სამშაბათი, ივნისი 15, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

ეკონომიკა

ეკონომიკა

 პროდუქტი produqti prodFAO-ს ფასების ინდექსი, რომელიც სამომხმარებლო კალათის 5 ძირითადი პროდუქტის (რძე, მარცვლეული, მცენარეული ზეთი, შაქარი, ხორცი) საერთაშორისო ფასების ცვალებადობას ასახავს, მაისში გაიზარდა და 127.1 ქულა შეადგინა. აღნიშნული ქულა, წინა თვის მაჩვენებელს 4.8%-ით, ხოლო 2020 წლის იმავე პერიოდის ნიშნულს - 39.7%-ით აღემატება.

როგორც FAO-ს მიერ გავრცელებულ ინფორმაციაში წერია, აპრილთან შედარებით 6%-ით გაიზარდა მარცვლეულის ფასების ინდექსი. ზრდის მაჩვენებელი განსაკუთრებით მაღალი იყო სიმინდზე, რომლის ფასი, გასული წლის იმავე პერიოდთან შედარებით 89.9%-ითაა გაზრდილი. პროდუქტზე ფასის დასტაბილურება მაისის ბოლოს, ამერიკის შეერთებულ შტატებში არსებული უხვი მოსავლის ხარჯზე დაიწყო. მაისის ბოლოსვე, კლების ტენდენცია აჩვენა ხორბლის ფასმაც, რომელიც 6.8%-ით შემცირდა. რაც შეეხება ბრინჯს, პროდუქტზე ფასები უცვლელია.

წინა თვის მსგავსად, ზრდის ტენდენცია შეინარჩუნა მცენარეული ზეთის ფასების ინდექსმა, რომელიც 7.8%-ით გაიზარდა. ფასების ზრდა თითქმის ყველა სახის მცენარეულ ზეთს შეეხო, მათ შრის - სოიოს, მზესუმზირას და პალმის ზეთს. ზრდის მთავარ მიზეზად, ბიოდიზელის ინდუსტრიაში პროდუქტზე გაზრდილი მოთხოვნა და მწარმოებელ, აზიურ, ქვეყნებში წარმოების შენელება განიხილება.

6.8%-ით გაიზარდა შაქრის ფასების ინდექსი. მატების ძირითად მიზეზს, ბრაზილიაში, შაქრის ყველაზე მსხვილ მწარმოებელ ქვეყანაში, მოსავლის აღების პროცესში წარმოქმნილი შეფერხებები წარმოადგენდა. შაქრის ფასმა დარეგულირება, მაისის ბოლოს, ინდოეთიდან ექსპორტირებული პროდუქტის ხარჯზე დაიწყო.

"გაზრდილია ხორცის ფასების ინდექსიც. ზრდამ 2.2% შეადგინა და იგი მეტწილად ჩინეთის მიერ პროდუქტის დიდი და სწრაფი ოდენობით შესყიდვამ განაპირობა. წინა თვესთან შედარებით, მაისში ფრინველისა და ღორის ხორცზე მოთხოვნამ მოიმატა.

ფასები გაიზარდა რძესა და რძის პროდუქტებზე. აპრილის თვესთან შედარებით, სხვაობამ 1.8% შეადგინა, რაც, წინა წლის ამავე პერიოდის მაჩვენებელს 28%-ით აღემატება. ზრდის მთავარი კატალიზატორი, რძის ფხვნილზე (ცხიმ მოხდილი და ცხიმიანი) გაზრდილი მოთხოვნა იყო, თუმცა აღნიშნულის საპირწონედ ამ წლის მანძილზე პირველად დაიკლო კარაქის ფასების ინდექსმა. შემცირება ახალი ზელანდიიდან გახორციელებული უხვი ექსპორტის ფონზე მოხდა", - ნათქვამია ინფორმაციაში. 

დაწერე კომენტარი (0 კომენტარი)
ეკონომიკა

 sawvavi benzini sacvaviბოლო სამი კვირაა საწვავის ღირებულება რეკორდულ ნიშნულამდეა გაზრდილი. ბრენდირებულ ბენზინგასამართ სადგურებზე სხვადასხვა ტიპის სწავავი 2.85-დან 3.15 ლარამდე მერყეობს.

ფასის მნიშვნელოვანი ზრდა ადგილობრივი კომპანიების მხრიდან საერთაშორისო ბაზრებზე არსებული ფასისა და ლარის გაუფასურებით იხსნებოდა, თუმცა 14 მაისიდან დღემდე ლარი დოლართან მიმართებით საგრძნობლად გამყარდა, შესაბამისად საზოგადოებაში გაჩნდა მოლოდინი რომ ამან საწვავის ღირებულებაზე პოზიტიური გავლენა უნდა იქონიოს. თუმცა ნავთობპროდუქტების იმპორტიორთა და რეალიზატორთა ასოციაციის ხელმძღვანელი გიორგი კოტრიკაძე განმარტავს, რომ დღეისათვის ფასის შემცირების მოლოდინი არ უნდა არსებობდეს, ვინაიდან საერთაშორისო ბაზრებზე ფასი ისევ იზრდება და ლარის დასტაბილურება ამ ეტაპზე მხოლოდ არსებულ ნიშნულებზე შენარჩუნებას უწყობს ხელს.

“დღესდღეობით ბარელი ნავთობის ფასი 71$-ია, ანუ ფაქტობრივად ზრდა მოხდა და ამან რეალურად განსაზღვრა ის ფასები, რაც დღესდღეობით შეინიშნება. ამ ეტაპზე ეს ნიშნული შენარჩუნებული იქნება. რაც შეეხება ლარის კურსის ცვალებადობას და გამყარებას, ეს ხელს უწყობს იმას რომ ფასი არ იზრდება. მე ვერ ვხედავ რესურსს, რომ მოხდეს ფასების გაიაფება თუკი საერთაშორისო ბაზრებზე კლების ტენდენცია არ იქნება, რისი მოლოდინიც არ არის.

რაც შეეხება მოხმარებას ის ყოველთვის მაღალი იყო და ახლა კომენდანტის საათის გადაწევამ კიდევ უფრო გაზარდა, თუმცა კომპანიები პანდემიის დროს წაგებაზე მუშაობდნენ და ჯერ ამან გაყიდვებზე ასახვა ვერ ჰპოვა.“ - აცხადებს კოტრიკაძე.

გაფადება თუ არა საწვავი? - ამ კითხვით BMG კომენტარისთვის მოქმედი კომპანიების წარმომადგენლებსაც დაუკავშირდა, თუმცა მათმა ნაწილმა თემაზე კომენტარის გაკეთება არ ისურვა.

აღსანიშნავია, რომ მიმდინარე წლის იანვარ-აპრილის თვეების განმავლობაში საქართველოში ბენზინისა და დიზელის საწვავის იმპორტი მნიშვნელოვნად გაიზარდა და გადააჭარბა როგორც 2020 წლის, ასევე 2019 წლის ანალოგიური პერიოდის მაჩვენებელს. სულ საანგარიშო პერიოდში ქვეყანაში 339.9 ათასი ტონა საწვავის იმპორტი განხორციელდა, რაც 27,0 ათასი ტონით ანუ 8,6%-ით მეტია გასული წლის ანალოგიური პერიოდის მაჩვენებელთან (312,9 ათასი ტონა) შედარებით და 20,9 ათასი ტონით ანუ 6,5%-ით პანდემიამდე არსებული 2019 წლის ანალოგიური პერიოდის მაჩვენებელთან (319 ათასი ტონა) შედარებით.

 

www.bm.ge

დაწერე კომენტარი (0 კომენტარი)
ეკონომიკა

 sawvavi benzini sacvavi„ისტორიულად ეს არის ყველაზე მაღალი ფასები, რაც კი საქართველოში ყოფილა საწვავთან მიმართებით“,- ამის შესახებ რადიო „პალიტრისა“ და „პალიტრანიუსის“ გადაცემაში „საქმე“ ნავთობპროდუქტების იმპორტიორთა კავშირის თავმჯდომარემ ვანო მთვრალაშვილმა განაცხადა.

მისი თქმით, ამას განაპირობებს სამი ფაქტორი, კერძოდ, საერთაშორისო ფასები, ლარის გაცვლითი კურსი დოლართან მიმართებით და სახელმწიფო გადასახადები. თუმცა, როგორც ვანო მთვრალაშვილმა აღნიშნა, მიმდინარე ტენდენციები ოპტიმიზმის საფუძველს არ იძლევა და საწვავის ფასი, სავარაუდოდ, კიდევ მოიმატებს.

„რა თქმა უნდა, ვითარება საკმაოდ რთულია, არაორდინალური. როგორც უკვე აღინიშნა, საწვავზე 3-ლარიანი ნიშნულის გადალახვა მოხდა, სუპერის ტიპის ბენზინის ფასზე. აქვე გეტყვით, რომ მისი მოხმარება, მთლიანი საწვავის სტრუქტურაში არის დაახლოებით, 1-დან - 2%-მდე. პრემიუმის საწვავის ფასიც, შეიძლება ითქვას, რომ თითქმის, 3-ლარიან ნიშნულთან არის მისული, 2,90-2,95 ლარი ღირს და პრინციპში, შესაძლებელია, ამ კატეგორიის საწვავის ფასიც რაღაც დროის შემდეგ, 3-ლარიან ნიშნულს მიუახლოვდეს. რაც შეეხება რეგულარის ტიპის საწვავს, რომლის მოხმარებაც ყველაზე დიდია, მის ფასსაც ბევრი აღარც აკლია 3 ლარამდე. თუმცა, ჩვენ მაინც ვფიქრობთ, რომ 3-ლარიან ნიშნულამდე არ მივა.

ისტორიულად ეს არის ყველაზე მაღალი ფასები, რაც კი საქართველოში ყოფილა საწვავთან მიმართებით . ამ შემთხვევაში პირველი ფაქტორი, რაც განაპირობებს საწავავის ფასის ცვლილებას, ეს არის საერთაშორისო ფასი პლატცის მიხედვით. დღეს, 1 ტონა ბენზინი საშუალოდ (მაისის თვეს თუ განვიხილავთ), არის სადღაც, 655 დოლარი, რაც გაზრდილი ფასია, წინა პერიოდთან შედარებით. მეორეა, ლარის გაცვლითი კურსი დოლართან მიმართებით. ეს არის ასევე უმნიშვნელოვანესი ფაქტორი, რაც საბოლოოდ ასეთ მაღალ ფასებს განაპირობებს. იმიტომ, რომ პლატცის ასეთი ფასები, ადრეც ყოფილა, უფრო მეტიც, 1000 დოლარიან ნიშნულზეც კი ყოფილა, მაგრამ დღეს ლარის გაცვლითი კურსი 3,45-ზეა. ჩვენ შეიძლება ვთქვათ, რომ ბოლო ერთი კვირა სტაბილურია თუმცა, სტაბილურად მაღალი მაჩვენებელია. და კიდევ ერთი ფაქტორი, ეს არის გადასახადები. იმიტომ, რომ 2017 წელს ბენზინზე აქციზის გადასახადი გაორმაგდა და დიზელის შემთხვევაში 150 ლარიდან 400 ლარამდე ავიდა.

დღეს საქართველოში ბენზინი შემოდის ბულგარეთიდან, რუმინეთიდან, რუსეთიდან და თურქმენეთიდან. თურქმენეთიდან ყველაზე კარგი ფასით შემოდის და თბილისში მოტანილი პროდუქტი (თვითღირებულებაზეა საუბარი), სადღაც 2,42 ლარი გამოდის. ამას შემდეგ ემატება სხვადასხვა სახის დანახარჯები, მათ შორის, საბითუმო მოგება, საცალო გაყიდვების მოგება და სხვა. დღეს არაბრენდირებული ბენზინგასამართი სადგურები ბენზინს ყიდიან 2, 45-2,50 ლარად.

ისინი პირდაპირ არიან საბითუმო ბაზარზე დამოკიდებული, მათ არ გააჩნიათ არანაირი მარაგები და როდესაც საბითუმო ფასი გაიზრდება, ისინიც იძულებული იქნებიან ფასი გაზარდონ. ამიტომ, ფასი სამწუხაროდ, გაიზრდება“- განაცხადა ვანო მთვრალაშვილმა.

მისი თქმით, თუ ლარი დაიწყებს გამყარებას, ეს საწვავის გაზრდილ ფასს დააკორექტირებს. თუმცა, ის ნიშნული, რომელზეც დღეს ეროვნული ვალუტაა, საწვავის ბაზარზე დადებით გავლენას ვერ იქონიებს.

„დღეს პროდუქტი არის თავიდან ბოლომდე იმპორტირებული. სულ რაღაც 1% არის ადგილობრივი წარმოების და ისიც, რა თქმა უნდა, მიჰყვება საერთაშორისო ტრენდს. შესაბამისად, ჩვენ გარე ფაქტორზე ვართ დამოკიდებული. მეორე ეს არის ლარის გაცვლითი კურსი დოლართან მიმართებით და აქ რა თქმა უნდა, რესურსი არსებობს. თუ ლარი დაიწყებს გამყარებას, ეს ვითარებას დააბალანსებს. იმიტომ, რომ ლარის გამყარება, ეს ამ გაზრდილ ფასს პირდაპირ დააკორექტირებს. თუმცა, ის დინამიკა, რომელიც დღეს არის ლართან მიმართებით, არ იქნება საკმარისი, საწვავის ფასის შესანარჩუნებლად. იმიტომ, რომ მაშინ ჩვენ 2-3-თვიანი ჭრილი უნდა განვიხილოთ, რა მოცულობით არის გაუფასურებული ლარი. ის, რომ 3,45-დან 3,43-ზეა ჩამოსული, ეს ოპტიმიზმის საფუძველს ნამდვილად არ ქმნის და შესაბამისად, ვერანაირი ხელშესახები გავლენა ვერ ექნება ბაზარზე.

რაც შეეხება მესამე საკითხს, როგორიც არის გადასახადები, თუ ამას შეამცირებენ, ეს რა თქმა უნდა, რაღაც დოზით ფასს შეამცირებს, თუმცა სახელმწიფო დაკარგავს გარანტირებულ სტაბილურ შემოსავალს და ამ შემთხვევაში, საქართველოს ეკონომიკისთვის და სოციალური ფონისთვის, რომელი უფრო მისაღებია, ეს ცალკე განხილვის თემაა“,- განაცხადა ვანო მთვრალაშვილმა.

 

www.bpn.ge

დაწერე კომენტარი (0 კომენტარი)
ეკონომიკა

60b0bbc70e41a samkervalo kervaივნისის პირველ ნახევარში ლანჩხუთში „ელსელემას“ სამკერვალო საწარმო გაიხსნება. ამის შესახებ bm.ge-ის კომპანიის დამფუძნებელმა ელგუჯა მამასახლისმა განუცხადა. მისი თქმით, ქარხანაში ბოლო მოსამზადებელი სამუშაოები მიმდინარეობს.

ელგუჯა მამასახლისის ინფორმაციით, პირველ ეტაპზე საწარმო 40-მდე ადამიანს დაასაქმებს. მათი ნაწილი მიმდებარე სოფლებიდანაა და ტრანსპორტირებას "ელსელემა" უზრუნველყოფს. 

„ჯერჯერობით, დიდი შეკვეთები არ გვაქვს, თუმცა პირველ ეტაპზე დავამზადებთ სპეცფორმას. არიან კონკრეტული კომპანიები, რომელებთანაც გვაქვს ხელშეკრულებები, ზოგიერთი შეთანხმება განხილვის სტადიაზეა. ამ დროისთვის მსხვილ შეკვეთებზე აქცენტს არ ვაკეთებთ, რადგან თანამშრომლებმა ყველაფერი კარგად უნდა ისწავლონ, რათა საექსპორტო პროდუქცია დაამზადონ. ივნისში მთლიანად დაკავებული ვიქნებით სწავლება-კერვით, ხოლო ამის შემდეგ გავრისკავთ და ექსპორტისთვის მოვემზადებით", - ამბობს ელგუჯა მამასახლისი.

საწარმოს დამფუძნებლის თქმით, შეკვეთებზე გარკვეული შემოთავაზებები ბელგიური და ჰოლანდიური კომპანიებისგან აქვს, თუმცა მათთან მოლაპარაკებების გააქტიურებას მხოლოდ მას შემდეგ აპირებს, როცა დარწმუნდება, რომ საწარმო ამისთვის მზად არის. 

„რაც შეეხება „მონკლერს“, რომელთანაც ადრე ვთანამშრომლობდით, მოგვწერეს, რომ ამ ეტაპზე ფიქრობენ, პანდემიიდან გამომდინარე უღირთ თუ არა შეკვეთა მოგვცენ, მაგრამ უარს არ ამბობენ. სურვილი აქვთ თანამშრომლობის, თუმცა ეპიდსიტუაციის სტაბილურობის კუთხით სიმყარე გვჭირდება“, - დასძინა მამასახლისმა.

მწარმოებელი განვითარებისთვის ერთ-ერთ სერიოზულ პრობლემად პანდემიურ შეზღუდვებს ასახელებს.

„ბუნებრივია, ხელს მიშლიდა პანდემიური შეზღუდვები, რადგან მაგალითად, ახლა ერთ თანამშრომელს ვუშვებთ თურქეთში ბაზრის შესასწავლად, ნედლეულის ფასები უნდა ნახოს და ა.შ. უწევს უამრავი პროცედურის გავლა იქ წასასვლელად“, - ამბობს ელგუჯა მამასახლისი.

 

www.bm.ge

დაწერე კომენტარი (0 კომენტარი)
ეკონომიკა

 sacvavi benziniსაქართველოში საწვავის ფასი რამდენიმე ბრენდირებულ ავტოგასამართ სადგურზე 3 ლარს გადასცდა. საუბარია ეკოსუპერის ტიპის საწვავზე, რომელიც „ვისოლის“ სადგურებზე 3.02 ლარი ღირს, „ლუკოილის“ სადგურებზე კი სუპერი ecto 100-ის ფასი 3.10 ლარია.

სხვადასხვა ბრენდირებული სადგურის და საწვავის ფასი შემდეგნაირია:

„სოკარში“:
სუპერი – 2.99 ლარი
პრემიუმი – 2.91` ლარი
რეგულარი – 2,78 ლარი
ევრო დიზელი – 2.80 ლარი
დიზელი – 2.70 ლარი
გაზი – 1.40 ლარი

„ლუკოილში“:
სუპერი ecto 100 – 3.10 ლარი
ევრო სუპერი – 2.96 ლარი
პრემიუმ ავანგარდი – 2.91 ლარი
ევრო რეგულარი – 2.74 ლარი
ევრო დიზელი – 2.84 ლარი

ვისოლში":
ეკო სუპერი – 3.02 ლარი
ეკოპრემიუმი – 2.95 ლარი
ევრო რეგულარი – 2.85 ლარი
ევრო დიზელი – 2.85 ლარი
ეკო დიზელი – 2.90 ლარი
დიზელ ენერჯი – 2.72 ლარი
გაზი – 1.44 ლარი

„რომპეტროლში“:
სუპერი – 2.99 ლარი
ევრო პრემიუმი – 2.95 ლარი
ევრო რეგულარი – 2.76 ლარი
efix ევრო დიზელი – 2.87 ლარი
ევრო დიზელი – 2.81 ლარი

„გალფში“:
სუპერი – 2.99 ლარი
G-Force პრემიუმი – 2.95 ლარი
G-Force ევრო რეგულარი – 2.85 ლარი
რეგულარი – 2.79 ლარი
ევრო დიზელი – 2.89 ლარი
დიზელი – 2.83 ლარი
გაზი – 1.44 ლარი.

დაწერე კომენტარი (0 კომენტარი)
მოიწონეთ გვერდი

Search