შაბათი, ნოემბერი 28, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

განათლება

განათლება

 ertiani erovnuli gamocdebiმე-12 კლასელები 2021 წლის ერთიანი ეროვნული გამოცდებისთვის აქტიურად ემზადებიან. მათი ინტერესის საგანს ტრადიციულად გამოცდებთან დაკავშირებული საკითხები წარმოადგენს.

რა ცვლილებებია წელს ტესტებთან დაკავშირებით? გამოცდისთვის რეგისტრაცია როდის დაიწყება? რა ხდება იმ პროგრამებზე, რომლებზეც შემოქმედებითი ტური ბარდება? როგორ მოხდება გრანტის გაცემა და ა.შ. – ამ და სხვა მნიშვნელოვან კითხვებზე პასუხი შეფასებისა და გამოცდების ეროვნულმა ცენტრმა შემოგვთავაზა.

იხილეთ 2021 ერთიანი ეროვნული გამოცდების შესახებ აბიტურიენტების მიერ ხშირად დასმული კითხვები და მათზე პასუხები.

1. რა ცვლილებებია წელს ტესტებთან დაკავშირებით?

2021 წელს ერთიანი ეროვნული გამოცდების საგამოცდო პროგრამები და დავალებათა ტიპები უცვლელი რჩება. რამდენიმე საგანში მხოლოდ გამოცდის ხანგრძლივობა და მაქსიმალური ქულა შემცირდება. ეს ცვლილება შეეხება მათემატიკის, ქიმიისა და ფიზიკის ტესტებს.

მათემატიკა – 2021 წლის მათემატიკის ტესტში იქნება 35 (27 დახურული და 8 ღია ტიპის) დავალება, მაქსიმალური ქულა კი – 51.

ღია დავალებები შედგენილი იქნება ორი ორქულიანი, ოთხი სამქულიანი და ორი ოთხქულიანი დავალებისაგან. ტესტის შესრულებისათვის გამოყოფილი დრო იქნება 3 სთ, მინიმალური ბარიერი კი – არანაკლებ 11 ქულისა (უმაღლეს სასწავლებლებს უფლება აქვთ უფრო მაღალი ბარიერი დააწესონ).

ფიზიკა და ქიმია – ფიზიკისა და ქიმიის ტესტებზე სამუშაოდ გამოყოფილი იქნება 3 საათი, ხოლო მაქსიმალური ქულა – 63.

2. მათემატიკის ტესტი წელს გართულდა თუ პირიქით, გამარტივდა ამ ცვლილებების შედეგად?

მათემატიკის ტესტის სირთულე არ შეცვლილა, რადგან დავალებების შემცირების პროპორციულად შემცირდა საგამოცდო დროც. ვეცადეთ, გადაღლის ფაქტორი ყოფილიყო ნაკლები, მაგრამ ეს არ ნიშნავს, რომ მათემატიკის ტესტი იქნება უფრო ადვილი, ვიდრე გასულ წლებში იყო.

3. რეგისტრაცია როდის დაიწყება და როგორ გავიარო?

რეგისტრაცია, სავარაუდოდ, მარტში დაიწყება. რეგისტრაცია მიმდინარეობს მხოლოდ ელექტრონულად ცენტრის ვებგვერდზე. ვადებთან დაკავშირებით დეტალები ყოველ წელს დაახლოებით მარტის პირველ რიცხვებში ქვეყნდება.

4. ქიმიის გამოცდაზე ცხრილები დაგვირიგდება?

დიახ, გამოცდაზე დაგირიგდებათ პერიოდულობისა და ხსნადობის ცხრილები. ასევე მეტალთა აქტიურობის მწკრივი.

5. ქართული ენისა და ლიტერატურის ტესტიდან ესე ამოიღეს?

არა, ქართული ენისა და ლიტერატურის ტესტს წელს არანაირი ცვლილება არ შეხებია.

6. სად მოვძებნო უმაღლესი სასწავლებლებისა და ფაკულტეტების ჩამონათვალი?

რეგისტრაციის დაწყებისთანავე ცენტრის ვებგვერდზე ქვეყნდება „ცნობარი აბიტურიენტებისათვის”, რომელშიც მითითებულია ყველა აკრედიტებული უმაღლესი სასწავლებელი და სხვა დეტალური ინფორმაცია, რომელსაც აუცილებლად უნდა გაეცნოს თითოეული აბიტურიენტი. პროგრამების პირველადი ჩამონათვალი იხილეთ ბმულზე.

7. როგორც ცნობილია, ზოგიერთ პროგრამაზე ისევ ოთხი საგანი ბარდება, რომელი საგნები იგულისხმება?

უმაღლესმა სასწავლებლებმა (რომლებსაც ამის სურვილი ჰქონდათ) უკვე განსაზღვრეს, საგანმანათლებლო პროგრამების მიხედვით, სავარაუდო დამატებითი საგამოცდო საგნები შემდეგი ჩამონათვალიდან: ბიოლოგია, ქიმია, ფიზიკა, ზოგადი უნარები, გეოგრაფია, ლიტერატურა, სახვითი და გამოყენებითი ხელოვნება, სამოქალაქო განათლება. დეტალური ინფორმაცია გამოქვეყნებულია ცენტრის ვებგვერდზე, თუმცა დეკემბრის ბოლომდე უმაღლეს დაწესებულებებს უფლება აქვთ ამ ჩამონათვალში ცვლილებები შეიტანონ. პირველადი ინფორმაცია კი შეგიძლიათ იხილოთ ბმულზე.

8. ჯანდაცვის მიმართულებით ნებისმიერ შემთხვევაში ოთხი საგნის ჩაბარება მოუწევს აბიტურიენტს?

ჯანდაცვის საგანმანათლებლო პროგრამებზე სავალდებულო ოთხი გამოცდა იქნება: 1. ქართული ენა და ლიტერატურა; 2. უცხოური ენა; 3. ბიოლოგია; 4. მათემატიკა/ქიმია/ფიზიკა (აბიტურიენტი ირჩევს მინიმუმ ერთს). მეოთხე საგნისათვის გამოყოფილი იქნება კვოტირებული ადგილები, თითოეულ საგანზე არანაკლებ 30%-ისა.

9. რა ხდება იმ პროგრამებზე, რომლებზეც შემოქმედებითი ტური ბარდება?

რაც შეეხება სახელოვნებო-შემოქმედებით/სასპორტო საგანმანათლებლო პროგრამებს, მათზე ჩასარიცხად აბიტურიენტმა სავალდებულოა შემოქმედებით ტურთან ერთად ჩააბაროს ქართული ენა და ლიტერატურა და უცხოური ენა, გრანტის მოსაპოვებლად კი დამატებით – მათემატიკა ან ისტორია.

10. ქართულ ენაში მომზადების საგანმანათლებლო პროგრამაზე ისევ ზოგადი უნარების გამოცდა იქნება ჩასაბარებელი?

დიახ, ქართულ ენაში მომზადების საგანმანათლებლო პროგრამაზე აბიტურიენტების ჩარიცხვა არსებული ფორმატით გაგრძელდება.

11. როგორ მოხდება გრანტის გაცემა?

გრანტი სამი საგნის შედეგის მიხედვით გაიცემა, თუმცა, თუ უმაღლესი სასწავლებელი მოითხოვს მეოთხე საგნის ჩაბარებასაც, აბიტურიენტს დაფინანსების მოპოვების კიდევ ერთი შესაძლებლობა ეძლევა – ის ორ საგრანტო კონკურსში მიიღებს მონაწილეობას. ერთი კონკურსის ფარგლებში აბსოლუტური (საგრანტო) ქულა გამოითვლება შემდეგ საგნებში მიღებული შედეგების შესაბამისად: 1. ქართული ენა და ლიტერატურა; 2. უცხოური ენა; 3. ისტორია ან მათემატიკა (მესამე საგანი). მეორე კონკურსისას აბსოლუტური ქულის გამოთვლისას გათვალისწინებული იქნება შემდეგ საგნებში მიღებული შეფასებები: 1. ქართული ენა და ლიტერატურა; 2. უცხოური ენა; 3. უმაღლესი დაწესებულების მიერ განსაზღვრული მეოთხე საგანი. აბიტურიენტი დაფინანსებას მიიღებს იმ საგნის გამოცდის შედეგის მიხედვით, რომლის საფუძველზეც იგი აკადემიური პროგრამისთვის გრანტის მეტ ოდენობას მოიპოვებს.

12. ჩასაბარებელი საგნებიდან რომელს მიენიჭება პრიორიტეტი გრანტის განაწილებისას?

მაღალი კოეფიციენტი (1.5) მიენიჭება ყველა საგანს, გარდა ქართული ენისა და ლიტერატურის, ასევე, უცხოური ენებისა, რომელთა კოეფიციენტი იქნება 1.

13. თუ რომელიმე დამატებით საგანში (მაგალითად, ფიზიკის გამოცდაში) ჩავიჭერი, გრანტის აღების უფლება მაინც მექნება?

დიახ, ისტორიით ან მათემატიკით შეძლებთ გრანტის აღებას და ჩარიცხვების კონკურსშიც იმ სამი საგნით მიიღებთ მონაწილეობას, რომლებიც წარმატებით გექნებათ ჩაბარებული (ცხადია, მხოლოდ იმ პროგრამებზე განიხილება ჩარიცხვის საკითხი, რომლებზეც თქვენ მიერ ჩაბარებული 3 საგანია სავალდებულო).

14. რა ხდება იმ შემთხვევაში, თუ აბიტურიენტმა მათემატიკის გამოცდაც ჩააბარა და ისტორიისაც სხვა ძირითად საგნებთან ერთად?

ამ შემთხვევაში აბიტურიენტი ჩარიცხვებსა და საგრანტო კონკურსში მონაწილეობს იმ საგნის ქულით (მათემატიკა/ისტორია), რომელშიც უკეთეს შედეგს მიიღებს/რომლის საფუძველზეც იგი გრანტის მეტ ოდენობას მოიპოვებს.

15. თუ აბიტურიენტი ჩააბარებს დამატებით გამოცდას (მაგალითად, ქიმიას) და ჩაირიცხება იმ პროგრამაზე, რომელზეც ქიმია არ ბარდება, გამოადგება თუ არა მას ამ საგანში მიღებული ქულა?

თუ პროგრამა, რომელზეც აბიტურიენტი ჩაირიცხება, არ ითხოვს იმ დამატებით საგანს, რომელიც მან ჩააბარა, ამ საგნის შედეგს იგი ვერ გამოიყენებს ვერც ჩარიცხვისას და ვერც გრანტის მისაღებად.

 

du.aris.ge

დაწერე კომენტარი (0 კომენტარი)
განათლება

 mtavroba saqartvelos mtსაქართველოს მთავრობამ, პარლამენტს 2021 წლის სახელმწიფო ბიუჯეტის პროექტი წარუდგინა, რომლის შესახებაც საკანონმდებლო ორგანო, ახალი შემადგენლობის არჩევის შემდეგ იმსჯელებს.

პროექტის თანახმად, განათლების, მეცნიერების, კულტურისა და სპორტის სამინისტროს დაფინანსება გაზრდილია და განსაზღვრულია 1 738.1 მლნ ლარით, რაც 2020 წლის დამტკიცებულ ასიგნებას 199.2 მლნ ლარით აღემატება.

ქვეყნის მთავარ ფინანსურ დოკუმენტში აღნიშნულია, რომ სტატუსის მქონე მასწავლებელთა 100 ლარიანი სახელფასო დანამატის ზრდა დაგეგმილია 2021 წლის იანვრიდან. ასევე დოკუმენტში ვკითხულობთ, რომ მთავრობა კვლავ გეგმავს უფასო სახელმძღვანელოების და პირველკლასელთა კომპიუტერებით უზრუნველყოფის პროგრამების გაგრძელებას.

ბიუჯეტის პროექტში თანხები ძირითადად მიმართულია შემდეგი პროგრამების განხორციელებაზე:

სკოლამდელი და ზოგადი განათლება – 1 007.5 მლნ ლარი, რაც წინა წლის დამტკიცებულ ასიგნებასთან შედარებით გაზრდილია 100.7 მლნ ლარით; მათ შორის გათვალისწინებულია: ზოგადსაგანმანათლებლო სკოლების დაფინანსება – 880.0 მლნ ლარი, რაც 2020 წლის დამტკიცებულ ბიუჯეტთან შედარებით გაზრდილია 92.0 მლნ ლარით და გათვალისწინებულია სტატუსის მქონე მასწავლებლების სახელფასო დანამატის ზრდა 100 ლარით 2021 წლის იანვრიდან.

მასწავლებელთა პროფესიული განვითარების ხელშეწყობა – 9.3 მლნ ლარამდე.

უსაფრთხო საგანმანათლებლო გარემოს უზრუნველყოფა – 18.2 მლნ ლარამდე.

წარმატებულ მოსწავლეთა წახალისება – 885.0 მლნ ლარი.

განსაკუთრებით ნიჭიერ მოსწავლეთა საგანმანათლებლო და საცხოვრებელი პირობებით უზრუნველყოფა – 240.0 მლნ ლარი

მოსწავლეების სახელმძღვანელოებით უზრუნველყოფა – 26.3 მლნ ლარი.

საჯარო სკოლის მოსწავლეების ტრანსპორტით უზრუნველყოფა – 23.6 მლნ ლარამდე.

პროგრამა “ჩემი პირველი კომპიუტერი” – 33.0 მლნ ლარი და სხვა.

პროფესიული განათლება – 52.5 მლნ ლარი.

უმაღლესი განათლება – 147.2 მლნ ლარი.

მეცნიერებისა და სამეცნიერო კვლევების ხელშეწყობა – 65.5 მლნ ლარი.

ინკლუზიური განათლება – 23.7 მლნ ლარი.

ინფრასტრუქტურის განვითარება – 125.8 მლნ ლარი. მათ შორის: ზოგადსაგანმანათლებლო დაწესებულებების ინფრასტრუქტურის განვითარება – 54.0 მლნ ლარზე მეტი (საქართველოს რეგიონული განვითარებისა და ინფრასტრუქტურის სამინისტროს ასიგნებებში გათვალისწინებულ ასიგნებებთან ერთად გათვალისწინებულია 220 მლნ ლარამდე).

პროფესიული საგანმანათლებლო დაწესებულებების ინფრასტრუქტურის განვითარება – 18.0 მლნ ლარი.

უმაღლესი საგანმანათლებლო და სამეცნიერო დაწესებულებების ინფრასტრუქტურის განვითარება – 5.0 მლნ ლარი.

 

edu.aris.ge

დაწერე კომენტარი (0 კომენტარი)
განათლება

 gamocda gamocda2020 წლის ერთიანი ეროვნული გამოცდების საბოლოო შედეგები ჩარიცხვების შესახებ უკვე ცნობილია. გამოცდებზე ყველაზე მეტი აბიტურიენტი ფიზიკასა და გეოგრაფიაში ჩაიჭრა, აბიტურიენტების პრიორიტეტებში კი, გასული წლების მსგავსად, ბიზნესის ადმინისტრირება, იურიდიულ და სამედიცინო ფაკულტეტები ლიდერობენ – ამის შესახებ შეფასებისა და გამოცდების ეროვნული ცენტრის ხელმძღვანელმა სოფიო გორგოძემ 2020 წლის ერთიანი ეროვნული გამოცდების შეჯამებისას ისაუბრა.

“აბიტურიენტებს უფრო მეტად გაუჭირდათ საბუნებისმეტყველო მეცნიერებებიდან ფიზიკა, ასევე გეოგრაფია. შეიძლება ითქვას, რომ ფიზიკასა და გეოგრაფიაში, ამ ორ არასავალდებულო საგანში არის ყველაზე მაღალი ჩაჭრის მაჩვენებელი. დანარჩენ საგნებში მეტნაკლებად, სადღაც 6%-დან იწყება ჩაჭრები და ადის ეს 30-40%-მდე”, – განაცხადა სოფიო გორგოძემ EDU.ARIS.GE-სთან საუბარში.

მისივე თქმით,აბიტურიენტებს შორის პოპულარული მიმართულებები კვლავ სამედიცინო, იურიდიული და ბიზნესის ადმინისტრირებაა.

“ჩვენ შეგვიძლია გითხრათ ყველაზე მეტი პროგრამა, როგორც პირველი არჩევანი ვინ ჩაწერა. თუ მაგალითად უნივერსიტეტს 1000 ადგილი მაქვს გამოცხადებული, შეიძლება ამის გამო პირველ პრიორიტეტში ბევრმა ჩაწერა, მაგრამ შეიძლება 50 ადგილი მაქვს გამოცხადებული და ჩაწერა 500-მა, ან ეს დიდად არ მიუთითებს, რომ მიმართულება პოპულარულია, მაგრამ ამის მიხედვით შეგვიძლია გითხრათ პირველი არჩევანი ვისაც ჰქონდა გაკეთებული. ძირითადად ეს იყო სოციალური მეცნიერებები, როგორც წინა წლებში იურისპრუდენცია, დიპლომირებული მედიკოსი, ბიზნეს ადმინისტრირება. ასევე ძალიან პოპულარულია უფასო ფაკულტეტები, მათ შორის ეკონომიკა”, – ამბობს სოფიო გორგოძე.

 

https://edu.aris.ge

დაწერე კომენტარი (0 კომენტარი)
განათლება
118827997 611262672924251 3523800307365632411 nპროფესიულ პროგრამებზე სწავლის მსურველთა პროფესიული ტესტირება დღეს, დილის 9 საათზე საქართველოს 59 საგამოცდო ცენტრში დაიწყო. ა(ა)იპ კოლეჯი ,,ჰორიზონტში" დილიდან აქტიურად მიმდინარეობს რეგისტრანტთა მიღება და საგამოცდო პროცესი. კოლეჯში დაცულია ჯანდაცვის სამინისტროს მიერ, კორონავირუსის გავრცელების პრევენციის მიზნით შემუშავებული რეკომენდაციები და აპლიკანტებს საშუალება აქვთ კომფორტულ და უსაფრთხო სამუშაო გარემოში მოახდინონ საკუთარი შესაძლებლობების რეალიზაცია.
2020 წლის საშემოდგომო მიღებაზე კოლეჯ "ჰორიზონტში" 9 პროფესიულ პროგრამაზე მოსახვედრად 286 აპლიკანტი იბრძვის. 

118854742 706173770113103 4323509813817850141 n

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

118876669 328865471866877 7456979814093742953 n

 
დაწერე კომენტარი (0 კომენტარი)
განათლება

ganatlebis saministroსაქართველოს განათლების მინისტრმა, 11 აგვისტოს ბრძანებით, 2020-2021 სასწავლო წელს სამინისტროს მიერ უმაღლეს საგანმანათლებლო დაწესებულებებზე პროგრამული დაფინანსების გაცემის წესი და პირობები დაამტკიცა.

სამინისტრომ ასევე დაამტკიცა სახელმწიფოს მიერ დაფუძნებულ უმაღლეს სასწავლებლებში აკრედიტებული ის პროგრამული მიმართულებები, რომლებშიც სტუდენტის სწავლის საფასურს სრულად აფინანსებს სახელმწიფო.

2020-2021 სასწავლო წელს პროგრამული დაფინანსებისთვის 10 სახელმწიფო უმაღლესი სასწავლებელი ჯამში 12 723 750 ლარს მიიღებს.

აქედან:

  • ივანე ჯავახიშვილის სახელობის თბილისის სახელმწიფო უნივერსიტეტი – 2 524 500 ლარი
  • საქართველოს ტექნიკური უნივერსიტეტი – 3 966 750 ლარი
  • ილიას სახელმწიფო უნივერსიტეტი – 900 000 ლარი
  • აკაკი წერეთლის სახელმწიფო უნივერსიტეტი – 2 124 000 ლარი
  • ბათუმის შოთა რუსთაველის სახელმწიფო უნივერსიტეტი – 967 500 ლარი
  • სოხუმის სახელმწიფო უნივერსიტეტი – 562 500 ლარი
  • იაკობ გოგებაშვილის სახელობის თელავის სახელმწიფო უნივერსიტეტი – 587 250 ლარი
  • სამცხე-ჯავახეთის სახელმწიფო უნივერსიტეტი – 659 250 ლარი
  • გორის სახელმწიფო სასწავლო უნივერსიტეტი – 207 000 ლარი
  • შოთა მესხიას ზუგდიდის სახელმწიფო სასწავლო უნივერსიტეტი – 225 000 ლარი

მინისტრის ბრძანების მიხედვით:

უმაღლესი სასწავლებელი შესაბამისი დაფინანსებისა და პროგრამების ფარგლებში [ეს პროგრამები იხილეთ ქვემოთ ცხრილში] არაუგვიანეს შესაბამისი სასწავლო წლის 15 ნოემბრისა და 15 აპრილისა ამტკიცებს ადგილების რაოდენობებს, რომლებზეც სტუდენტის სწავლის საფასურს დააფინანსებს სახელმწიფო.

დაფინანსება უმაღლეს სასწავლებელს ეძლევა შესაბამისი პროგრამის ხანგრძლივობის ვადით – ბაკალავრიატის აკრედიტებულ საგანმანათლებლო პროგრამაზე არაუმეტეს 4 წლის განმავლობაში, ხოლო მასწავლებლის მომზადების ინტეგრირებულ საბაკალავრო-სამაგისტრო 300-კრედიტიან აკრედიტებულ საგანმანათლებლო პროგრამაზე − არაუმეტეს 5 წლის განმავლობაში;

უმაღლეს სასწავლებელს უფლება აქვს დაფინანსება მიმართოს:

  •  2020 წლის ერთიანი ეროვნული გამოცდების საფუძველზე ამ ბრძანებით გათვალისწინებულ საგანმანათლებლო პროგრამებზე ჩარიცხული სტუდენტების სწავლის დასაფინანსებლად;
  • იმ სტუდენტების სწავლის დასაფინანსებლად, რომლებიც აღიდგენენ სტუდენტის სტატუსს ან ბაკალავრიატის/მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამაზე ჩაირიცხებიან მობილობის/შიდა მობილობის საფუძველზე, მხოლოდ იმ შემთხვევაში, თუ 2020 წლის ერთიანი ეროვნული გამოცდების საფუძველზე სრულად არ შეივსება სასწავლებლის მიერ დამტკიცებული იმ ადგილების რაოდენობა, რომლებზეც სტუდენტის სწავლის საფასურს აფინანსებს სახელმწიფო.

აღნიშნულ ადგილებზე ჩარიცხული ყოველი სტუდენტის [გარდა სახელმწიფო სასწავლო გრანტის სრული ოდენობის ან სოციალური პროგრამის ფარგლებში სახელმწიფო სასწავლო გრანტის მფლობელი სტუდენტისა] სწავლის დასაფინანსებლად:

  • უმაღლეს საგანმანათლებლო დაწესებულებას ერთი სასწავლო წლის განმავლობაში ჩაერიცხება არაუმეტეს 2 250 ლარი;
  • ხოლო, თუ სტუდენტს მოპოვებული აქვს სახელმწიფო სასწავლო გრანტის ნაწილობრივი ოდენობა, მისი სწავლის საფასური შეივსება უმაღლესი საგანმანათლებლო დაწესებულების მიერ განსაზღვრული სწავლის საფასურის ოდენობამდე, მაგრამ არაუმეტეს 2 250 ლარისა.
  • თუ კონკრეტულ პროგრამაზე სწავლის საფასური ნაკლებია 2 250 ლარზე, სასწავლო წლის განმავლობაში უმაღლესი საგანმანათლებლო დაწესებულებისათვის გადასარიცხი თანხის ოდენობა უტოლდება ამ საგანმანათლებლო პროგრამაზე სწავლის საფასურს.

2020-2021 სასწავლო წელს სახელმწიფოს მიერ დაფუძნებული უმაღლესი საგანმანათლებლო დაწესებულების ბაკალავრიატის/მასწავლებლის მომზადების ინტეგრირებული საბაკალავრო- სამაგისტრო აკრედიტებული საგანმანათლებლო პროგრამების ის პროგრამული მიმართულება/მიმართულებები, რომელშიც/რომლებშიც სტუდენტის სწავლის საფასურს სრულად აფინანსებს სახელმწიფო -

სსიპ - ივანე ჯავახიშვილის სახელობის თბილისის სახელმწიფო უნივერსიტეტი - ქართული ფილოლოგია;  ისტორია; არქეოლოგია; ფილოსოფია; დაწყებითი საფეხურის მასწავლებლის მომზადების იტეგრირებული საგანმანათლებლო პროგრამა; მათემატიკა; ფიზიკა; ქიმია; ბიოლოგია; ეკონომიკა.

სსიპ - საქართველოს ტექნიკური უნივერსიტეტი - მშენებლობა; ენერგეტიკა და ელექტროინჟინერია; არქიტექტურა; მათემატიკა; საინჟინრო ფიზიკა; აგრარული ტექნოლოგიები; სასურსათო ტექნოლოგია; სატყეო საქმე; აგროინჟინერია; მეცხოველეობა; აგრონომია; ნიადაგისა და წყლის რესურსების ინჟინერია; ქიმია; მექანიკის ინჟინერია და ტექნოლოგია; სამრეწველო ინჟინერია და ტექნოლოგია; სამთო და გეოინჟინერია; საინჟინრო გეოდეზია; გეოლოგია; საინჟინრო უსაფრთხოება და საგანგებო სიტუაციების მართვა; გეოინფორმატიკა; მართვის სისტემები, ავტომატიზაცია და ტესტ- ინჟინერინგი; ბიოსამედიცინო ინჟინერია; მეტალურგია; მასალათამცოდნეობა; მევენახეობა და ენოლოგია.

სსიპ - ილიას სახელმწიფო უნივერსიტეტი - ქართული ფილოლოგია; ისტორია; არქეოლოგია; ფილოსოფია; დაწყებითი საფეხურის მასწავლებლის განთლების (I-VI კლესები) ინტეგრირებული საბაკალაავრო-სამაგიტრო პროგრამა; მათემატიკა; ფიზიკა; არქიტექტურა;. ბიოლოგია

სსიპ - აკაკი წერეთლის სახელმწიფო უნივერსიტეტი - ქართული ენა და ლიტერატურა; არქეოლოგია; ისტორია; მათემატიკა; ფიზიკა; ბიოლოგია; ეკონომიკა; მასწავლებლის მომზადების ინტევგრირებული საბაკალავრო-სამაგისტრო საგანმანათლებლო პროგრამა (დაწყებითი განათლებს); ელექტრული ინჟინერია; მშენებლობა; აგრონომია; აგრონედლეულის კვების პროდუქტების ტექნოლოგია და ექსპერტიზა; აგროინჟინერია; საკვები პროდუქტების ტექნოლოგია და უვნებლობა; გერმანული ენა და ლიტერატურა; ფრანგული ენა და ლიტერატურა; აღმოსავლური ფილოლოგია; ქიმია; ეკოლოგია; გეოგრაფია; გამოყენებითი ბიომეცნიერებები (ბიოტექნოლოგიები); სატრანსპორტო ლოჯისტიკური სისტემების ორგანიზაცია და მართვა; ავტომობილები და საავტომობილო მეურნეობა; ხარისხის მართვა და ტექნიკურ ეკონომიკური ექსპერტიზა; გამოყენებითი დიზაინი; ფარმაცევტული პრეპარატების ქიმია და ტექნოლოგია; გარემოს დაცვის ინჟინერია და გამოყენებითი ეკოლოგია.

სსიპ - სამცხე-ჯავახეთის სახელმწიფო უნივერსიტეტი - ისტორია; ქართული ფილოლოგია; ინგლისური ფილოლოგია; დაწყებითი საფეხურის მასწავლების ინტეგრირებული პროგრამა; ეკონომიკა; ინფორმაციული ტექნოლოგიები; აგრონომია; ეკოლოგია; საჯარო მმართველობა.

სსიპ − იაკობ გოგებაშვილის სახელობის თელავის სახელმწიფო უნივერსიტეტი - მასწავლებლის მომზადების ინტეგრირებული საბაკალავრო-სამაგისტრო პროგრამა; ისტორია; ქართული ენა და ლიტერატურა; ბიოლოგია; სასურსათო ტექნოლოგია; აგრონომია; ეკონომიკა.

სსიპ - ბათუმის შოთა რუსთაველის სახელმწიფო უნივერსიტეტი - ეკონომიკა; ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამა; მშენებლობა; აგრარული ტექნოლოგიები; ქართული ფილოლოგია; ისტორია; ბიოლოგია; ქიმია; ფიზიკა; მათემატიკა.

სსიპ - სოხუმის სახელმწიფო უნივერსიტეტი - მათემატიკა; ქიმია; ბიოლოგია; ფიზიკა; ქართული ფილოლოგია; არქეოლოგია; ისტორია; აფხაზური ფილოლოგია; დაწყებითი საფეხურის მასწავლებლის მომზადების საგანმანათლებლო პროგრამა; ეკონომიკა.

სსიპ - შოთა მესხიას ზუგდიდის სახელმწიფო სასწავლო უნივერსიტეტი - ისტორია; ქართული ფილოლოგია; ინგლისური ფილოლოგია; საჯარო მმართველობა.

სსიპ - გორის სახელმწიფო სასწავლო უნივერსიტეტი - ქართული ფილოლოგია; ინგლისური ფილოლოგია; ისტორია; დაწყებითი განათლება (300 კრედიტიანი); ბიოლოგია; ეკონომიკა; საჯარო მმართველობა; ინფორმაციული ტექნოლოგიები.

დაწერე კომენტარი (0 კომენტარი)
მოიწონეთ გვერდი

Search