კვირა, აგვისტო 01, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

უცხოეთი

უცხოეთი

mssmsmsmავსტრალიელი მეცნიერები ამბობენ, რომ ისინი პირველები არიან, ვინც შეისწავლა ადამიანის სხეულის ჭარბი ცხიმის მიზეზ-შედეგობრივი კავშირი უშუალოდ თავის ტვინის რუხ ნივთიერებასთან. კვლევამ აჩვენა, რომ სხეულზე რაც უფრო ჭარბადაა ანთებითი ცხიმოვანი ქსოვილი, მით მეტია თავის ტვინის ატროფიის შანსი რუხ ნივთიერებაში და ტვინის სიჯანსაღეს მეტი რისკი ადგება. შესაბამისად, იზრდება როგორც ინსულტების, ისე დემენციის რისკები.

სამხრეთ ავსტრალიის უნივერსიტეტში მეცნიერებმა მენდელიანური რანდომიზაციის მეთოდით ბრიტანეთის ბიობანკის 226 000 ინდივიდის მონაცემები შეისწავლეს. მეცნიერთა დასკვნის მიხედვით, 37-დან 73 წლამდე ადამიანებში თავის ტვინის რუხი ნივთიერება 0.3 პროცენტით იკლებდა ყოველ 1 კგ/მ2-ზე, რაც საშუალო სიმაღლის ადამიანისთვის დაახლოებით ზედმეტ 3 კილოგრამს უდრის.

რუხი ნივთიერება ტვინის ძალიან მნიშვნელოვანი ნაწილია, რომელიც ქმნის ტვინის ქერქს და ნათხემის გარეგან შრეს. ის აკონტროლებს მოძრაობის აქტებს, კუნთების აქტივობას, სწავლას, ყურადღებას, მეხსიერებას...

სიმსუქნე კი მთელ მსოფლიოში მზარდი სერიოზული დაავადებაა, რომელსაც მაღალი პრევალენტობის/გავრცელების გამო, გადატანითი მნიშვნელობით, პანდემიასაც კი უწოდებენ. ჯანდაცვის მსოფლიო ორგანიზაციის მონაცემებით, ყოველ ხუთ ზრდასრულ ადამიანში, სულ ცოტა, ერთს ჭარბი წონა აღენიშნება. 2016 წლის ანგარიშის მიხედვით, ჭარბი წონა მსოფლიოში 1.9 მილიარდ ადამიანს ჰქონდა და აქედან 650 მილიონს სიმსუქნე აღენიშნებოდა. თავისუფლად შეგვიძლია ვივარაუდოთ, რომ მონაცემები მას შემდეგ კიდევ უფრო გაიზარდა.

ჭარბი წონა და სიმსუქნე სხეულის მასის ინდექსის (BMI) გამოთვლით ხდება. ფორმულა ასე გამოიყურება: BMI = kg/m2, სადაც kg არის ადამიანის წონა კილოგრამებში და m2 არის კვადრატში აღებული მისი სიმაღლე მეტრებში. ჯანმო სხეულის მასის ინდექსის მიხედვით ჭარბ წონას და სიმსუქნეს ზრდასრულებში შემდეგნაირად განსაზღვრავს:

  • ჭარბი წონა არის 25 BMI ან უფრო მეტი
  • სიმსუქნე არის 30 BMI ან უფრო მეტი

დავუბრუნდეთ კვლევას. მისი ერთ-ერთი წამყვანი ავტორი, ექიმი ანვარ მულუგეტა ამბობს, რომ მათი აღმოჩენა ემატება სიმსუქნის და ჭარბი წონის დაავადებასთან დაკავშირებული პრობლემების მთელ სიას. მისი თქმით, „სიმსუქნე გენეტიკურად კომპლექსური მდგომარეობაა, რომელიც გამოიხატება სხეულის ცხიმის დიდ მოცულობაში. ის უკავშირდება გულ-სისხლძარღვთა დაავადებებს, მე-2 ტიპის დიაბეტს, თუ ქრონიკულ ანთებებს (დემენციის მერკერს). სიმსუქნის დაავადება ავსრალიის ეკონომიკას ყოველწლიურად 8.6 მილიარდი დოლარი უჯდება“.

მეცნიერები ხაზს უსვამენ იმ ფაქტს, რომ საუბარია უმეტესად აბდომინალურ ჭარბ ცხიმზე, ანუ მუცლის არეში დაგროვილ გაცხიმოვნებაზე. კვლევის თანაავტორის, პროფესორ ელინა ჰიპონენის თქმით, თუნდაც ნორმალური წონის ადამიანისთვის, ჭარბი წონა მუცლის არეში შესაძლოა შემაშფოთებელი იყოს“.

ამ საკითხის უკეთ განმარტება და დაზუსტება ამერიკის შეერთებულ შტატებში მომუშავე წარმოშობით ქართველ თერაპევტს, მარი ლიპარტიას ვთხოვეთ. ის მასაჩუსეტსის შტატში შინაგან სნეულებათა და სიმსუქნის მედიცინის მიმართულებით აკრედიტებული ექიმია, ასევე - დამფუძნებელი და დირექტორი სამედიცინო ცენტრის „ნუმეო მედიქალ“ (NUMEO Medical).

მარი ამბობს, რომ სიმსუქნე ზოგადად კომპლექსური, მულტიფაქტორული დაავადებაა, რომლისთვისაც დამახასიათებელია ცხიმოვანი ქსოვილის ჭარბი დაგროვება და მეტაბოლური პროცესების დარღვევა. რაც შეეხება სხვადასხვა ტიპის სიმსუქნეს (გაცხიმოვნებას), ეს იმის მიხედვით განისაზღვრება, თუ სად ხდება ცხიმოვანი ქსოვილის დაგროვება.

მისი განმარტებით, „შინაგანი ორგანოების და წელის გარშემო დაგროვილი ცხიმოვანი ქსოვილი ბევრად უფრო ანთებითია, ვიდრე კანქვეშ დაგროვილი ცხიმოვან ქსოვილი და დაკავშირებულია მეტაბოლული პროცესების/ცვლის დარღვევასთან. როგორც წესი, ასეთი ცენტრალური, ანუ აბდომინალური სიმსუქნე ასოცირებულია ბევრ დაავადებასთან როგორიცაა: გულსისხლძარღვთა ათეროგენური დაავადება, მე-2 ტიპის დიაბეტი, ღვიძლის გაცხიმოვნება, სხვადასხვა ავთვისებიანი სიმსივნე, არტერული ჰიპერტენზია, ართრიტი, მეტაბოლური სინდრომი და სხვა.

სიმსუქნე ასევე აღმოჩნდა კოვიდ-19-ის დაავადების გართულებების რისკ-ფაქტორი. ანუ, პაციენტებს რომლებსაც აღენიშნებოდათ ჭარბწონიანობა ან სიმსუქნე, ჰქონდათ კოვიდ-19-თან დაკავშირებული გართულებების უფრო დიდი ალბათობა“.

მარი ლიპარტია ამბობს, რომ უკვე წლებია, რაც მეცნიერები დემენციას სწორედ ამ ცენტრალურ, აბდომინალურ სიმსუქნეს უკავშირებენ. ერთ-ერთი საინტერესო კვლევა ამ მიმართულებით სამეცნიერო ჟურნალ „ლანცეტში“ 2014 წელს გამოქვეყნდა. მეტიც, კიდევ უფრო ადრე, 2008 წელს, ალცჰაიმერის დემენციას მეცნიერებმა მე-3 ტიპის დიაბეტიც კი უწოდეს.

„რა უნდა იყოს ამის მიზეზი? ერთ-ერთი მიზეზი, არის სწორედ ცხიმოვანი ქსოვილის ანთებითი ხასიათი. ცხიმოვანი ქსოვილი და განსაკუთრებით ცენტრალური (ორგანოების და მუცლის გარშემო), ჭარბი რაოდენობით გამოყოფს ადიპოკინებს. ადიპოკინები ანთებითი ჰორმონებია და გავლენას ახდენს სისტემურ ანთებით პროცესებზე. ეს კი იმას ნიშნავს, რომ ორგანიზმში რაღაც ხარისხით ქრონიკული ანთებაა სიმსუქნის დროს რაც თავის მხრივ უარყოფით გავლენას ახდენს ყველა ორგანოზე, მათ შორის - თავის ტვინზე“.

მარის თქმით, გენეტიკა მართალია დიდ როლს თამაშობს, მაგრამ სიმსუქნის და ჭარბი წონის პრევენცია შესაძლებელია. ამ მხრივ ძალიან დიდი მნიშვნელობა ენიჭება ცხოვრების წესს, დიაბეტის კონტროლს, სწორ კვებას, თუ ფიზიკურ აქტივობას.

მარი აქვე გვთხოვს, შევეცადოთ, არასდროს ვთქვათ, რომ ადამიანი მსუქანია. მისი განმარტებით, ეს დაავადებაა და მსგავსი გამონათქვამები ადამიანთა ავადმყოფობის ნიშნით სტიგმატიზებას უწყობს ხელს. უნდა ვთქვათ, რომ მას სიმსუქნე, ან ჭარბი წონა აქვს/აღენიშნება. ჩვენ ხომ არასდროს ვამბობთ, რომ ადამიანი კიბოა, ინფარქტია, ან დიაბეტია.

დაინტერესებულთათვის, ავსტრალიელ მეცნიერთა ნაშრომის შესახებ დამატებითი ინფორმაციის მიღება შესაძლებელია სამეცნიერო ჟურნალში „დაბერების ნეირობიოლოგია“ (Neurobiology of Aging). კვლევა ივნისის გამოცემაში გამოქვეყნდა. მისი ავტორები არიან ანვარ მულუგეტა, ამანდა ლუმსდენი და ელინა ჰიპონენი.

 

www.amerikiskhma.com

დაწერე კომენტარი (0 კომენტარი)
უცხოეთი

dddddddddddpp00დღეს, ამერიკაში კორონავირუსის დელტა ვარიანტზე მასშტაბური კვლევის შედეგების გამოქვეყნებას ელიან. მათზე დაფუძნებით, შეერთებულ შტატებში შენობებში ისევ ნიღბის ტარების, დისტანციის დაცვის და რამდენიმე სხვა მნიშვნელოვანი რეკომენდაცია გამოიცა.

შეერთებული შტატების დაავადებათა კონტროლის და პრევენციის ცენტრის (CDC) მიერ მომზადებული პრეზენტაციის მასალა უკვე მოიპოვა და გაასაჯაროვა "ვაშინგტონ პოსტმა". ანალოგიური ინფორმაცია "ნიუ-იორკ თაიმსმაც" გამოაქვეყნა.

დელტა ვარიანტთან დაკავშირებით, ამერიკაში შეშფოთება ისევ იზრდება. აცრილებს ცხვირი და ყელი სავსე ჰქონდათ კორონავირუსის დელტა ვარიანტით - უთხრა როშელ ვალენსკიმ, CDC-ის დირექტორმა "ნიუ-იორკ თაიმსს".

დოკუმენტში ნათქვამია, რომ დელტა ვარიანტი გაცილებით უფრო სწრაფად ვრცელდება, ვიდრე კორონავირუსის ორიგინალური და მოგვიანებით ნაპოვნი ალფა ვარიანტი. ის მერსზე, სარსზე, ებოლაზე და სეზონურ ვირუსულ გრიპებზე უფრო მეტად ვრცელდება. ინფიცირების მაჩვენებლებით, დელტა ვარიანტს უფრო ჩუტყვავილას ადარებენ.

წინასწარი მონაცემებით, დელტა სავარაუდოდ უფრო მწვავე დაავადებას იწვევს. კორონავირუსის ეს ვარიანტი აცრილებსაც აინფიცირებს და შესაბამისად ისინი სხვა ადამიანებსაც მეტ რისკს უქმნიან. თუმცა, კოვიდ-19-ზე სრულად აცრილების მძიმე სიმპტომებით დაავადების შანსი ისევ მინიმალურია და აცრა მოსახლეობის საუკეთესო დაცვას წარმოადგენს ჰოსპიტალიზაციის და სიკვდილობის პრევენციის საქმეში.

ამას გარდა, ანგარიში ამბობს, რომ დელტა ვარიანტი ისევე მომაკვდინებელია, როგორც მისი წინაპარი სარსი, ან ებოლა და სხვა ინფექციური დაავადებები, რომელთა სიკვდილობის კოეფიციენტი გაცილებით მაღალი იყო, ვიდრე სარს-კოვ-2-ის პირველადი ვარიანტის.

ფედერალური სააგენტოს დოკუმენტის მიხედვით, სასწრაფოდაა "გასაცნობიერებელი, რომ ომი შეიცვალა" და გადასადგმელია შემდგომი ნაბიჯები. საზოგადოების ცნობადობა უნდა გაიზარდოს აცრილების ინფიცირების მონაცემებზე და ასევე აცრილებში მწვავე დაავადების რისკის მკვეთრ შემცირებაზე - ნათქვამია დოკუმენტში.

 

www.amerikiskhma.com

დაწერე კომენტარი (0 კომენტარი)
უცხოეთი

1627627728 ბრაზილია თოვლიბრაზილიის სამხრეთ ნაწილში მდებარე შტატ რიუ-გრანდი-დუ-სულში თოვლი მოვიდა. როგორც სააგენტო „როიტერი“ ადგილობრივ მეტეროლოგიურ კომპანიაზე დაყრდნობით წერს, თოვლი მოვიდა შტატის სულ მცირე 33 მუნიციპალიტეტში.

უჩვეულოდ დაბალმა ტემპერატურამ ყავის, შაქრის ლერწმისა და ფორთოხლის მოსავალს საფრთხე შეუქმნა.

„მე 62 წლის ვარ და არასდროს მინახავს თოვლი, იცით? ბუნების სილამაზის ნახვა ენით აღუწერელია“, – ამბობს ადგილობრივ ტელეკომპანია „გლობსთან“ რიუ-გრანდი-დუ-სულში მყოფი სატვირთო მანქანის მძღოლი იოდორ გონსალვეს მარკესი.

სააგენტო „როიტერის“ ცნობით, ბრაზილიაში უჩვეულოდ ცივი ამინდის გამო ყავისა და შაქრის საერთაშორისო ფასი უკვე გაიზარდა.

ტემპერატურის კლება მოსალოდნელია ასევე გოიასის და მატუ გროსის შტატებშიც.

დაწერე კომენტარი (0 კომენტარი)
უცხოეთი

 saberznetiმაღალი ტემპერატურის გამო, საბერძნეთის ხელისუფლება მოსახლეობას მოუწოდებს, თავი შეიკავონ გადაუდებელი აუცილებლობის გარეშე მუშაობისა და მოგზაურობისგან.

როგორც სააგენტო „როიტერი“ წერს, ათენში ჰაერის ტემპერატურა 40 გრადუს ცელსიუსს შეადგენს. ძლიერი სიცხის გამო საბერძნეთის დედაქალაქის მთავარი ღირსშესანიშნაობა აკროპოლისი დღის ყველაზე ცხელ მონაკვეთში რამდენიმე საათით დაიხურება.

ეროვნული მეტეოროლოგიური სამსახურის განცხადებით, შემდეგი კვირის დასაწყისში ქვეყნის ტერიტორიის ძირითად ნაწილში ჰაერის ტემპერატურა 44 გრადუსს მიაღწევს.

„ბოლო წლებში ჩვენ მუდმივად ვაფიქსირებთ ტემპერატურის მაქსიმალურ რეკორდებს, ეს ნიშნავს, რომ კლიმატის ცვლილება უკვე დადგა. ჩვენ ველოდებით, რომ სიცხე უფრო ხშირი და ძლიერი იქნება“, – განაცხადა ათენის აკადემიის ატმოსფერული ფიზიკისა და კლიმატოლოგიის ცენტრის მკვლევარმა სტავროს სოლომოსმა.

დაწერე კომენტარი (0 კომენტარი)
უცხოეთი

bbc 072 წლის ასაკში ბლუზ როკბენდ ZZ Top-ის ბასისტი დასტი ჰილი გარდაიცვალა.

ბენდის წევრების, ბილი გიბონსისა და ფრენკ ბიარდის თქმით ჰილი ძილში გარდაიცვალა, სიკვდილის ზუსტი მიზეზი ამ ეტაპზე უცნობია.

ZZ Top ჰილმა, ბირდმა და გიბონსმა 1969 წელს დააარსეს. თითქმის 50 წლის განმავლობაში ჰილი ბასგიტარისტის, ბექვოკალისტისა და პერკუსიონისტის ფუნქციას ასრულებდა. ბასისტმა ჯგუფი 2021 წლის დასაწყისში დატოვა, წასვლის ოფიციალური მიზეზი ფეხის ტრავმა გახდა. 

50 წლის განმავლობაში ბენდმა 15 სტუდიური ალბომი გამოსცა. მიღებული აქვს MTV Music Video Awards-ის 3 ჯილდო. 2004 წლიდან არის როკ ენ როლის დიდების დარბაზის წევრი.

დაწერე კომენტარი (0 კომენტარი)
მოიწონეთ გვერდი

Search