სამშაბათი, ივნისი 15, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

სოფლის მეურნეობა

სოფლის მეურნეობა

1598104944 1567514365 რთველი ყურძენი 52021 წლის რთველზე საკადასტრო ამონაწერის გარეშე, მევენახე ღვინის საწარმოს ყურძენს ვეღარ ჩააბარებს. ამის შესახებ ღვინის ეროვნულ სააგენტოში აცხადებენ.

სააგენტოს ინფორმაციით, აღნიშნულის გათვალისწინებით, აუცილებელია ვენახების რეგისტრაცია და საკადასტრო ინფორმაციის განახლება.

ამ ეტაპისთვის პროცესი ხუთ მუნიციპალიტეტში უკვე მიმდინარეობს.

ვენახების კადასტრის პროგრამის ფარგლებში, აეროგადაღებები დედოფლისწყაროსა და სიღნაღის მუნიციპალიტეტებში ხდება, პროცესის დასრულების შემდეგ, ივნისიდან რეგისტრაცია დედოფლისწყაროს მუნიციპალიტეტშიც დაიწყება.

ვენახების კადასტრის პროგრამის დასრულება კახეთისა და რაჭა-ლეჩხუმის რეგიონებში სწორედ წელს იგეგმება.

აღსანიშნავია, რომ ღვინის ეროვნული სააგენტო საქართველოს ვენახების კადასტრის პროგრამას 2014 წლიდან ახორციელებს. მსგავსი კადასტრი გააჩნია ევროკავშირის წევრ ყველა იმ ქვეყანას, სადაც მევენახეობა-მეღვინეობის ინდუსტრიაა განვითარებული.

დაწერე კომენტარი (0 კომენტარი)
სოფლის მეურნეობა

 chai cha ჩაი ჩამიმდინარე წლის იანვარ-აპრილში ქვეყნიდან 1 473 330 აშშ დოლარის არომატიზებული ან არაარომატიზებული ჩაი გავიდა ექსპორტზე. აღსანიშნავია, რომ წლიურად ექსპორტი შემცირებულია, კერძოდ, საქსტატის მონაცემებით, 2020 წლის ანალოგიურ პერიოდში ჩაის ექსპორტი 1 999 720 დოლარი იყო.

რაც შეეხება ქვეყნებს, სადაც ჩაის ექსპორტი ხორციელდება, ჩამონათვალში ლიდერობს აზერბაიჯანი, სადაც 2021 წლის იანვარ-აპრილში 759 620 აშშ დოლარის ჩაი გავიდა ექსპორტზე. მას მოსდევს თურქეთი - 276 820 დოლარით; მე-3 ადგილზეა - თურქმენეთი, სადაც 91 160 დოლარის ჩაის ექსპორტი განხორციელდა; მე-4 და მე-5 პოზიციებს კი ექსპორტიორი ქვეყნების ტოპ-ხუთეულში მონღოლეთი და ყაზახეთი იკავებენ, სადაც საანგარიშო პერიოდში ჩაის ექსპორტმა შესაბამისად, 85 570 დოლარი და 80 050 დოლარი შეადგინა.

 

www.bpn.ge

დაწერე კომენტარი (0 კომენტარი)
სოფლის მეურნეობა

pomidori iiiiსამხრეთ თურქეთში, კერძოდ ანტალიაში ToBRFV ვირუსი თურქული პომივდვრის წარმოებას საფრთხეს უქმნის. როგორც East fruit-ი AgroBusiness-ზე დაყრდნობით წერს, დაავადება სწრაფად ვრცელდება პროდუქტის ნერგებში, შესაბამისად, პრობლემები, ნერგების მწარმოებლებსაც ექმნება.

ექსპერტების აზრით, თუ ქვეყანა საჭირო ზომებს არ მიიღებს, პომიდვრის წარმოება შესაძლოა, სამი წლის განმავლობაში შეჩერდეს.

დაავადება ToBRFV მოიხსენიება როგორც "ისრაელის ვირუსი", რადგან ის ისრაელიდან იმპორტირებულ პომიდვრის ნერგებში გვხვდება. აღნიშნული ვირუსი ნერგების ამოსვლამდე და ნაყოფის მიღებამდე შეუმჩნეველი რჩება. მოსავლის აღების პერიოდში კი, ნერგები მუქდება, ხოლო ნაყოფი შიგნიდან ლპება და ყავისფერი ხდება. 

 

მწარმოებლები შიშობენ, რომ ამ დაავადებას უკვე შეუძლია კულტურის უმეტესობის დაინფიცირება, რადგან ის დამტვერვის შედეგად, ძალიან სწრაფად ვრცელდება. ფერმერებს კი თავდაცვის ძალიან მცირე რაოდენობის საშუალებებზე მიუწვდებათ ხელი. როგორც ცნობილია, დაავადებული მცენარე ჯერ უნდა მოიხსნას სათბურიდან და შემდეგ განადგურდეს, რათა ჯანმრთელ მცენარეებთან კონტაქტი არ მოხდეს. ამის შემდეგ კი, უნდა მოხდეს ნიადაგის დეზინფექცია სპეციალური პრეპარატებით. სათბურები, რომლებშიც დაავადება გამოვლინდა, მოთავსებულია 14 დღიან კარანტინში, ისინი ანადგურებენ პროდუქტს და ნიადაგს შესაბამისი პრეპარატებით ამუშავებენ.

აღსანიშნავია, რომ ანტალიაში წარმოებული ახალი ხილი და ბოსტნეული ექსპორტზე მსოფლიოს 40-ზე მეტ ქვეყანაში გადის. აქედან მოხმარებული პროდუქტების უმეტეს ნაწილს კი პომიდორი წარმოადგენს.

„ბიზნესპრესნიუსი“ დაინტერესდა, რა რაოდენობის პომიდორს ყიდულობს საქართველო თურქეთისგან.

საქსტატის მონაცემებით, მიმდინარე წლის 4 თვეში (იანვარ-აპრილში) ჯამში 2,424 მლნ აშშ დოლარის (8,080 ტონა) პომიდორი შიიძინა. საიდანაც 90,1% თურქეთზე მოდის. კერძოდ, 20221 წელს საქართველომ თურქეთიდან 2,185 მლნ აშშ დოლარის (7,295 ტონა) პროდუქის იმპორტი განახორციელა.

რაც შეეხება 2020 წლის მთლიან მაჩვენებელს, საქართველომ 5,038 მლნ აშშ დოლარის (14,692 ტონა) პომიდორი იყიდა, საიდანაც 97,4% (4,908 აშშ დოლარის -14,312 ტონა) სწორედ თურქეთიდან იმპორტირებული იყო.

 

www.bpn.ge

დაწერე კომენტარი (0 კომენტარი)
სოფლის მეურნეობა

kartofili c462fკარტოფილის მომყვანი ქართველი ფერმერებისთვის მომავალი წლის (2021-2022 ) სეზონი შესაძლოა, წლევანდელივით მძიმე და წარუმატებელი აღმოჩნდეს. პორტალ EastFruit-ის ექსპერტების გათვლებით, მიუხედავად იმისა, რომ ჭარბი მოსავლისა და დაბალი ფასების გამო ფერმერებს მოსავალი გაუყიდავი დარჩათ, მათ სათესი ფართობები კი არ შეამცირეს, არამედ მომავალ სეზონზე ფასების ზრდის იმედად, მორჩენილი კარტოფილი ხელახლა ჩათესეს. ამდენად, თუკი ამინდმა გაამართლა, სექტემბერში კვლავ კარტოფილის ჭარბი მოსავალია მოსალოდნელი.

„როცა მარაგი ისე გაიზარდა, რომ გადასაყრელიც კი გახდა, ფერმერებმა სიტუაციიდან ორი გამოსავალი იპოვეს: კარტოფილი ექსპორტზე გაეტანათ ან ისევ მიწაში ჩაეფლოთ. მეორე გზა უფრო მარტივი აღმოჩნდა, რადგან ქართველ ფერმერებს ექსპორტის გამოცდილება არა აქვთ,“ - წერს პორტალი.

ქართული კარტოფილის ძირითადი საექსპორტო მიმართულება აზერბაიჯანია. როგორც წესი, აზერბაიჯანელი გადამყიდველები ჩამოდიან საქართველოში, კარტოფილს ყიდულობენ და სატვირთო მანქანებით უკან ბრუნდებიან, მაგრამ მიმდინარე წლის პირველ ნახევარში აზერბაიჯანელების მხრიდან დიდი მოთხოვნა აღარ ყოფილა, რამაც ექსპორტის ეს ფორმა ჩააგდო.

ამას ემატება თურქეთის ბაზრის ანალოგიური მდგომარეობა. EastFruit-ის ინფორმაციით, თურქეთში კარტოფილის ადრეული მოსავალი მეტად დიდია და როგორც ამინდის, ისე ნიადაგის პირობებს მომავალი მოსავლისთვისაც ხელსაყრელად მიიჩნევენ, ეს ქვეყანა კი საქართველოში კარტოფილის ყველაზე დიდი იმპორტიორია. მართალია, თურქეთის ტურისტულ რეგიონებში კარტოფილის მოხმარება დიდია, მაგრამ პანდემიის გამო ეს სექტორი ჩაკეტილია. ნაკლები მოხმარების გამო, თურქეთი კარტოფილის მოსავლის აგრესიული ექსპორტიორი გახდება, პირველ რიგში კი მეზობელი საქართველოს მიმართულებით.

ამ ფაქტორების მიუხედავად, საქართველომ ევროკავშირისგან კვლავ განახორციელა მნიშვნელოვანი რაოდენობის სათესლე კარტოფილის იმპორტი.

„გათვლა, ალბათ, იმაზე კეთდება, რომ უკეთესი ხარისხის ევროპული კარტოფილი გადავსებულ ბაზარზე ძვირად გაიყიდება,“ - წერს EastFruit.

პორტალს საქართველოს ფინანსთა სამინისტროს მონაცემები მოყავს, რომლის მიხედვითაც მიმდინარე წლის პირველ 4 თვეში სათესლე კარტოფილის იმპორტის მოცულობამ 1072 ტონა შეადგინა, რაც 2017-2018 წლების ჯამურ მოცულობაზე მეტია. იმპორტს ხელს არ უშლის სათესლე კარტოფილზე ფასის ზრდაც: მიმდინარე წლის იანვარ-აპრილში იმპორტირებული სათესლე კარტოფილის ფასი ლარში, 2014-2020 წლების საშუალო ფასთან შედარებით, 46%-ით მაღალი იყო.

„იმპორტირებულ სათესლე კარტოფილზე ფასის ასეთი ზრდა გასაკვირი არაა, რადგან ქართულ ბაზარზე მაღალხარისხიანი ადგილობრივი წარმოების კარტოფილი კარგად იყიდება,“ - წერს EastFruit.

ჩვეულებრივი კარტოფილის მომყვან ქართველ ფერმერთან შედარებით, იმ ფერმერებს, ვინც ევროკავშირიდან იმპორტირებული კარტოფილი ჩათესა, მოსავალმა მიმდინარე წლის იანვარ-თებერვლის პერიოდში 27%-ით მეტი შემოსავალი მოუტანა. ეს იმას ნიშნავს, რომ ქართულ ბაზარზე ასეთი მაღალხარისხიანი კარტოფილი, თურქულთან შედარებით, ორჯერ ძვირია და იყიდება კიდეც. რაც მთავარია, მაღალხარისხიანი კარტოფილი არც გადასაყრელად მორჩა და არც მისი მიწაში ხელახლა ჩაბრუნება გახდა საჭირო.

„ჩვენი მონაცემებით, ახლახან იმპორტირებულ მაღალხარისხიან სათესლე კარტოფილზე, საქართველოში კარტოფილის მთლიანი წლიური წარმოებიდან, 10%-ზე ნაკლები მოდის, ამიტომ ამ სეგმენტს ზრდის უფრო მეტი შესაძლებლობები აქვს,“ - პროგნოზირებს EastFruit.

2020 წლის ოქტომბრიდან ქართველი ფერმერების უმრავლესობა ჩვეულებრივ 1 კგ კარტოფილს 0.50-0.60 ლარად (0,15-0,18 დოლარად) ყიდის. მიმდინარე წლის მარტსა და აპრილში კარტოფილის ფასმა ისტორიულ მინიმუმამდე, 0,45 ლარამდე დაიწია მაშინ, როცა ამ პერიოდში მარაგის კლების გამო კარტოფილზე ფასი, როგორც წესი, იზრდება.

EastFruit-ი წლევანდელ სეზონზე ჭარბი მოსავლის ერთ-ერთ მიზეზად 2020 წელს, წინა წლებთან შედარებით, მოსახლეობის მიერ სამცხე-ჯავახეთის მიწების ყველაზე დიდი ფართობის დამუშავებას ასახელებს. კოვიდპანდემიის გამო, ხალხი მეზობელ ქვეყნებში სამუშაოდ ვერ გადავიდა და ადგილობრივი მეურნეობით დასაქმდა. თუკი, მაგალითად, ერთ-ერთ სოფელ ალასტანში წინა წლებში, საშუალოდ, 200 ჰექტარ მიწას ამუშავებდნენ, 2020 წელს ერთნახევარჯერ მეტი, 350 ჰექტარი დამუშავდა, ხოლო სოფლის 175 ოჯახიდან 160-მა 20 ტონაზე მეტი კარტოფილი მოიყვანა. ჭარბი მოსავლის პარალელურად ბაზარზე შემცირდა მოთხოვნა, რაც ჩავადნილმა ტურისტულმა სეზონმა და გაჩერებულმა სასტუმროების, რესტორნებისა და კაფეების ბიზნესმა გამოიწვია.

საქართველოს ფინანსთა სამინისტროს მონაცემებით, რომელსაც EastFruit ეყრდნობა, მიმდინარე წლის იანვარ-აპრილის პერიოდში თურქეთიდან იმპორტირებული კარტოფილის საშუალო ფასი კგ-ზე 0.30 ლარამდე (0,08-0,09 დოლარი) იყო, ქართული მინდვრის კარტოფილი 0,55 ლარი (0,16-0,17 დოლარი) ღირდა, ხოლო იმპორტირებული თესლისგან ქართულ მინდორზე მოყვანილი მაღალხარისხიანი კარტოფილის საშუალო ფასი 0,70 ლარს (0,21-0,22 დოლარს) შეადგენდა.

მოამზადა ლადო სულაბერიძემ

www.bpn.ge

დაწერე კომენტარი (0 კომენტარი)
სოფლის მეურნეობა

avokado avokadoკომპანია Geonuts Company-მ, რომელიც გურიაში 20 ჰა-ზე გაშენებულ სხვადასხვა კულტურის ბაღებს მართავს, საქართველოსთვის არატრადიციული კულტურის გაშენება გადაწყვიტა და ლანჩხუთის მუნიციპალიტეტის სოფელ ჩხონაგორაში 6 ჰა-ზე 2 500 ძირამდე ავოკადო მიმდინარე წლის მარტში გააშენა.

კომპანიის დირექტორი რევაზ ჩიტიძე BM.GE-სთან ტროპიკული ხილის გაშენების მიზნებზე, გეგმებზე და რისკებზე საუბრობს და აღნიშნავს, რომ ავოკადოს მიმართ ინტერესი მსოფლიოში ყოველწლიურად იზრდება.

„მსოფლიო ბაზარზე ამ პროდუქტზე მოთხოვნა ყოველწლიურად იზრდება, შესაბამისად მზარდია ფასიც. ჩემი ინფორმაციით ბაზარზე ავოკადოზე მოთხოვნა 80%-ითაა გაზრდილი.

მიუხედავად იმისა, რომ ავოკადოს ბაღი პატარა ფართობზე არ გაგვიშენებია ამ საკითხს ბევრი რისკი და გამოცდა ელოდება. თუმცა ჩვენთვის სოფლის მეურნეობაში ეს პირველი გადადგმული ნაბიჯი არ ყოფილა. სოფლის მეურნეობა ისეთი დარგია, რომელსაც მაქსიმალური ყურადღება და განვითარება სჭირდება. შევეცადეთ, რომ არატრადიციული კულტურები მოგვესინჯა, რომელმაც თუ გაამართლა საკმაოდ მომგებიანია“, - უთხრა BM.GE-ის კომპანიის დირექტორმა.

რევაზ ჩიტიძე ამბობს, რომ ახალი კულტურის მოვლის პროცესი თავდაპირველად გარკვეულ სირთულეებს უკავშირდება, თუმცა კომპანია გასარისკად მზად არის.

„კლიმატური პირობებიდან გამომდინარე საქართველოში ავოკადოს მოვლის კუთხით მთავარი პრობლემა ყინვა და ქარია. ადრეულ ასაკში ნერგებს მაქსიმალური მოფრთხილება სჭირდება. ყინვისგან დაცვის სხვადასხვა საშუალებები არსებობს და ყველაფერი ხარჯებთან არის დაკავშირებული. თუმცა, მაქსიმალურად ვეცდებით, რომ ჩვენი ბაღები მომავალ წლებში მოსავლიანი იყოს. ვიმედოვნებთ, რომ გამოგვივა. სწორედ ამიტომ შევარჩიეთ მექსიკური წარმოების ნერგები, რომელიც ჩვენს კლიმატურ პირობებს მეტად ერგება“, - აღნიშნავს ჩიტიძე.

კითხვაზე - რა ინვესტიცია ჩადო Geonuts Company-მ ბაღების გაშენებისთვის, კომპანიის დირექტორი ზუსტი რიცხვის დასახელებისგან თავს იკავებს, ამბობს, რომ ბაღების გაშენებისთვის ჩადებული ფინანსური რესურსი დიდია და განმარტავს:

„თუ ინვესტირებას ტყე-ბუჩქნარის გაჩეხვიდან იწყებ და შემდგომ ეს მიწა გასაკულტურებელია, ვგულისხმობ ნიადიგის იმ ნივთიერებებით გამდიდრებას, რომელიც ნერგებისთვისაა საჭირო, ასევე საირიგაციო სისტემის მოწყობას, სხვა ინვესტიციასთან გვაქვს საქმე. ჩვენ 7 წლის წინ სახელმწიფოსგან იჯარით ავიღეთ მიწის ნაკვეთი, რომელიც დაჭაობებული იყო. ამ ტერიტორიის დასუფთავებას, სადრენაჟე სისტემის მოწყობას, ნიადაგის მოყვანას იმ კონდიციამდე, რაც ნარგავს სჭირდება, შემდეგ დარგვისთვის, წვეთოვანი სისტემების გამართვისთვის და მოვლისთვის, დიდი ინვესტიციის ჩადება სჭირდება.

დღეს კი ავოკადოს ბაღის გაშენებისთვის, ერთ ნერგში დაახლოებით 15 ევრო გადავიხადეთ“, - უთხრა BM.GE-ის რევაზ ჩიტიძემ.

ავოკადოს ნერგები მოსავლის მიღების ნიშანს მესამე წლიდან იძლევა, ხოლო მცირე მოსავალს მეოთხე წელს ისხამს. მეხუთე-მეექვსე წლებში კი მოსავლიანია. Geonuts Company-ს დირექტორი ამბობს, რომ საპროგნოზო გათვლებით 1 ჰა-ზე 20 ტონამდე ავოკადო მოდის და კომპანია მოსავლის მიღების შემდეგ მის რეალიზებას ადგილობრივ და უცხოურ ბაზარზე გეგმავს.

„ავოკადოს ადგილობრივ ბაზარზეც გავყიდით, თუმცა მხოლოდ ეს ბაზარი ამ მასშტაბების ასათვისებლად ხელსაყრელი არ იქნება. ძირითადად ექსპორტზე გავიტანთ. ეს იქნება ევროპა თუ სხვა ქვეყნები. მოთხოვნა ავოკადოზე ყველა ბაზარზე მზარდია.

დღეს კილოგრამის ფასი დაახლოებით 3-4 ევროა, საქართველოში კი ერთი ცალი ავოკადოს ღირებულება 3-4 ლარია“, - აღნიშნა რევაზ ჩიტიძემ.

ცნობისთვის, Geonuts Company გურიაში ვაშლის, მსხლის, ფეიხოას ბაღები 20 ჰა-ზე აქვს გაშენებული, ხოლო გარგარის ბაღის ფართობი 19 ჰა-მდეა.

 

www.bm.ge

დაწერე კომენტარი (0 კომენტარი)
მოიწონეთ გვერდი

Search