ორშაბათი, მაისი 17, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

საზოგადოება

საზოგადოება

1621258099 186546268 4054958524573318 5959796595263155068 n 1დმანისის შესასვლელთან, სადაც სამართალდამცველებმა გზა დროებით გადაკეტეს და მოძრაობა შეზღუდეს, ფიზიკური დაპირისპირება მოხდა.

ერთმანეთს ახალგაზრდების ორი სხვადასხვა ჯგუფი დაუპირისპირდა.

კონფლიქტში მონაწილე პირების ნაწილი ადგილზე მყოფ მედიის წარმომადგენლებსაც დაუპირისპირდნენ, მათ შორის საქართველოს პირველი არხის გადამღებ ჯგუფს.

დაწერე კომენტარი (0 კომენტარი)
საზოგადოება

 sufra qorcili sufraსაკოორდინაციო საბჭომ მიიღო გადაწყვეტილება, რომ მიმდინარე კვირიდან, კვების ობიექტებს შესაძლებლობა ექნებათ, სტუმრები შაბათ-კვირას მხოლოდ ღია სივრცეში, რეგულაციების სრული დაცვით მიიღონ. უწყებათშორისი საკოორდინაციო საბჭო განაგრძობს ეპიდემიოლოგიურ ტენდენციებზე დაკვირვებას და ვითარების სტაბილიზაციის შემთხვევაში, 1-ლი ივნისიდან, ამ მიმართულებით შემდგომი შემსუბუქების გადაწყვეტილებებს მიიღებს.

 
სხდომაზე ხაზი გაესვა, რომ კვლავ ძალაშია შეზღუდვა ისეთი სოციალური ღონისძიებების გამართვასთან დაკავშირებით, როგორიცაა, ქორწილი, ქელეხი, ბანკეტი და სხვადასხვა სახის იუბილე.
ასევე, საკოორდინაციო საბჭოს გადაწყვეტილებით, სავალდებულო რეგულარული ტესტირება დადგენილებით განსაზღვრულ ჯგუფებზე ივნისის განმავლობაშიც სახელმწიფო დაფინანსებით გაგრძელდება.
უწყებათაშორისი საკოორდინაციო საბჭო კიდევ ერთხელ მოუწოდებს მოქალაქეებს, შეასრულონ არსებული რეგულაციები, ატარონ პირბადე და დაიცვან სოციალური დისტანცია.
დაწერე კომენტარი (0 კომენტარი)
საზოგადოება

110816 us money reuters fuliსაქართველოს ეროვნული ბანკის ინფორმაციით, 2021 წლის აპრილში ქვეყანაში შემოსული ფულადი გზავნილების ნაკადების მოცულობამ 194.1 მლნ აშშ დოლარი (666.9 მლნ ლარი) შეადგინა, რაც 145.4%-ით (115.0 მლნ აშშ დოლარით) მეტია 2020 წლის აპრილის ანალოგიურ მაჩვენებელზე.

უცხოეთიდან საქართველოში ფულადი გზავნილების 94.9% იმ 18 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ აპრილში 1 მლნ აშშ დოლარს გადააჭარბა. იმავე 18 ქვეყანაზე გასული წლის აპრილში მთელი ფულადი გზავნილების 93.0% მოდიოდა.

ევროკავშირის ქვეყნებიდან საქართველოში 194 მლნ აშშ დოლარი შემოვიდა, დანარჩენი ქვეყნებიდან კი 81 მლნ აშშ დოლარი.

ყველაზე დიდი რაოდენობით ფულადი გზავნილები საქართველოში შემდეგი ქვეყნებიდან შემოვიდა:

  • რუსეთი - $33.35 მლნ 
  • იტალია - $31.73 მლნ
  • აშშ - $24.88 მლნ
  • საბერძნეთი - $21.75 მლნ
  • ისრაელი - $15.5 მლნ
  • თურქეთი - $9.69 მლნ
  • აზერბაიჯანი - $9.06 მლნ
  • უკრაინა - $8.72 მლნ
  • გერმანია - $8.71 მლნ
  • ესპანეთი - $4.35 მლნ

საქართველოდან საზღვარგარეთ კი 25.8 მლნ აშშ დოლარი (88.5 მლნ ლარი) გადაიგზავნა, რაც 2020 წლის აპრილის (10.0 მლნ აშშ დოლარი) ანალოგიურ მაჩვენებელთან შედარებით 157.6%-ით მეტია.

დაწერე კომენტარი (0 კომენტარი)
საზოგადოება
187549825 4116354381736177 939206882410919367 nგადასახადის გადამხდელს, რომელსაც აქვს მიმდინარე წლის 1 აპრილამდე წარმოშობილი აღიარებული/არაღიარებული საგადასახადო დავალიანება, შესაძლებლობა ექნება გადასახადის ძირითადი თანხის გადახდის პირობით სრულად შეიმციროს დარიცხული ჯარიმა/საურავები
? ამისთვის გადასახადის გადამხდელმა მიმდინარე წლის 1 აგვისტომდე უნდა მიმართოს შემოსავლების სამსახურს საგადასახადო შეთანხმების გაფორმების მოთხოვნით და გადასახადის ძირითადი თანხის გადახდა განხორციელდეს 2021 წლის 31 დეკემბრამდე
? გადასახადის გადამხდელებს, რომელთა მიმდინარე საგადასახადო დავალიანება არსებითად შედგება მხოლოდ სანქციისაგან, საგადასახადო შეთანხმება გაუფორმდებათ ანალოგიური პირობებით, საგადასახადო დავალიანების 30%-ის გადახდის შემთხვევაში
? აღნიშნული ინიციატივა ეხება ყველა გადასახადის გადამხდელის საგადასახადო დავალიანებებს (მათ შორის საგადასახადო დავაში არსებულ დავალიანებებს), გარდა იმ შემთხვევებისა, როდესაც ამ გადამხდელთან მიმართებაში არსებობს მიმდინარე სისხლის სამართლის საქმე სისხლის სამართლის კოდექსით განსაზღვრულ ეკონომიკურ დანაშაულზე
? მსგავსი ფორმით და პირობებით წარმოდგენილი განცხადება დაკმაყოფილდება ავტომატურ რეჟიმში განხილვის დამატებითი შიდა პროცედურების გარეშე (ნებისმიერი სხვა სახით წარმოდგენილი განცხადების განხილვა მოხდება დღეს მოქმედი განხილვის ფორმით)
? ინიციატივა ჯარიმა/საურავების პატიების შესახებ ერთჯერადი ხასიათის არის და უკავშირდება გადასახადის გადამხდელებისათვის პანდემიიდან გამოწვეული სირთულეების დაძლევას
? აღნიშნული ინიციატივის ფარგლებში სრულად ხდება კუთვნილი გადასახადის ძირითადი თანხის გადახდა. შედეგად, ინიციატივის პირობების გათვალისწინებით და მიმდინარე საგადასახადო ადმინისტრირების პირობებში არსებითად გამოირიცხება კონკურენტული პირობების დარღვევა ბიზნეს სექტორში და არ დაზიანდება გადასახადის გადახდის კულტურა, რომელიც არსებითად გაუმჯობესებული იყო პანდემიამდე პერიოდში
დაწერე კომენტარი (0 კომენტარი)
საზოგადოება

 karantini shezgudva policia patruliე.წ. კომენდანტის საათი 21:00 საათის ნაცვლად, 23:00 საათიდან ამოქმედდება. შესაბამისი გადაწყვეტილება უწყებათაშორისმა საკოორდინაციო საბჭომ მიიღო. ე.წ. კომენდანტის საათის მოქმედების ვადა 23:00 საათიდან 05:00 საათამდე იქნება.

მიმდინარე კვირიდან კვების ობიექტებს შესაძლებლობა ექნებათ მომხმარებლები შაბათ- კვირას ღია სივრცეში მიიღონ.

ნათია თურნავას განმარტებით, ასევე იხსნება შეზღუდვა სასტუმროებში მოქმედი რესტორნებისთვის, რომელთა ფუნქციონირება დღემდე 21:00 საათიდან აკრძალული იყო.

„რაც შეეხება კაფეებისა და რესტორნების ფუნქციონირებას შაბათ-კვირას, ვიცით, რომ ეს საკმაოდ დიდი პრობლემაა, რადგან უკვე წამოვიდა ტურისტების ნაკადი. დღეს მიღებული გადაწყვეტილებით, შაბათ-კვირას, წესების დაცვით შესაძლებელი იქნება ამ კვირიდან კაფე-ბარებისა და რესტორნების ღია სივრცეების ფუნქციონირება. ამასთან, დიდი იმედი გვაქვს, რომ პირველი ივნისიდან უფრო მეტად შევძლებთ შემსუბუქებას და საერთოდ მოვხსნით ამ შეზღუდვას“, – აღნიშნა ეკონომიკის მინისტრმა.

ამასთან, ნათია თურნავას განმარტებით, პირველი ივნისიდან შემსუბუქება, რა თქმა უნდა, იმ პირობით მოხდება, თუ ეპიდემიოლოგიური ვითარება კეთილსაიმედო იქნება.

ამირან გამყრელიძის განცხადებით - "ჯერჯერობით სრული შემსუბუქება დაუშვებელია, ვიდრე ეპიდსიტუაცია სერიოზულად არ დამშვიდდება, მეორე მხრივ, მნიშვნელოვანია გათვალისწინება მოსახლეობის განწყობის. ამიტომ ოქროს შუალედი მოიძებნა, შემცირდა გადაადგილებაზე შეზღუდვის ხანგრძლივობა. ასევე, დაავადებათა კონტროლის ეროვნული ცენტრის რეკომენდაცია იყო, რომ მეტად გამკაცრდეს კონტროლი, მონიტორინგი აღსრულებაზე. ასევე გამკაცრდეს მონიტორინგი იმ რეკომენდაციებზე, რაზეც მუდმივად ვსაუბრობთ“

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search