ხუთშაბათი, აპრილი 22, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

პოლიტიკა

პოლიტიკა

 giorgi ruruaსაქართველოს პრეზიდენტის ადმინისტრაციის ინფორმაციით, გამომდინარე იქიდან, რომ ოპოზიციონერი დეპუტატების პარლამენტში შესვლა 27 აპრილს იგეგმება, პრეზიდენტი, აქამდე გაკეთებული განცხადების თანახმად, შეწყალების აქტს იმავე დღეს გამოსცემს.

როგორც ადმიანისტრაციის მიერ გავრცელებულ განცხადებაშია აღნიშნული, შეწყალების აქტის გამოსაცემად პრეზიდენტის მიერ დასახელებული ორივე პირობა შესრულებულია.

„საქართველოს პრეზიდენტმა მისი 19 აპრილის განცხადებაში აღნიშნა: იმისთვის, რომ ქვეყანა და პარლამენტი ნორმალურ პოლიტიკურ რეჟიმს შეუდგეს და გამოწვევებს გაუმკლავდეს, მიიღო შეწყალების გადაწყვეტილება გარკვეული პირობებით.

იქიდან გამომდინარე, რომ პოლიტიკურმა პარტიებმა - მმართველმა პარტიამ და ოპოზიციამ, შეთანხმებას მიაღწიეს და ევროპული საბჭოს პრეზიდენტმა ისევე როგორც აშშ-ს ელჩმა ეს ფაქტი დაადასტურეს, ამგვარად პირველი პირობა შესრულებულია.

რაც შეეხება მეორე პირობას, პოლიტიკურმა პარტიებმა საჯაროდ მოაწერეს ხელი საბოლოო შეთანხმების დოკუმენტს და მათი შესვლა პარლამენტში 27 აპრილს პლენარულ სხდომაზე იგეგმება.

ეს ნიშნავს, რომ როგორც განცხადებაშია გათვალისწინებული ერთი კვირის ვადაში შესრულდება მეორე პირობაც, მაშასადამე იმ დღესვე გამოიცემა პრეზიდენტის შეწყალების აქტი!“,- ნათქვამია განცხადებაში, რომელიც პრეზიდენტის ოფიციალურ „ფეიუსბუქ“ გვერდზე ვრცელდება.

დაწერე კომენტარი (0 კომენტარი)
პოლიტიკა

teona aqubardiaევროპული საბჭოს პრეზიდენტის, შარლ მიშელის ეგიდით შედგენილ დოკუმენტს დღეს კიდევ ოთხმა პოლიტიკოსმა მოაწერა ხელი. ევროკავშირის ოფისში საპარლამენტო ოპოზიციის წარმომადგენლები, „ევროპელი სოციალისტების“ წევრები, გელა მიქაძე და ავთანდილ ენუქიძე, ასევე „სტრატეგია აღმაშენებელის“ წევრები, პაატა მანჯგალაძე და თეონა აქუბარდია იყვნენ მისული. მათ დოკუმენტზე ინდივიდუალური ხელმოწერები გააკეთეს.

„სტრატეგია აღმაშენებლის“ წევრების თქმით, მხარეებს შორის შეთანხმება ქვეყნის ევროატლანტიკური ინტეგრაციის მნიშვნელოვანია და იმედოვნებენ, რომ დასავლელი პარტნიორების ჩართულობით ყველა პუნქტის იმპლემენტაცია მოხდება.

„აღნიშნული შეთანხმება ცალსახად გამარჯვება არ არის, მაგრამ პირდაპირ შემიძლია, ვთქვა, რომ სერიოზულ წინაპირობებს ქმნის გამარჯვებისთვის, იმ რეფორმებისთვის, რომელიც ქვეყანას სჭირდება. ამ შეთანხმებით იყო შემოთავაზება ჩვენი მედიატორებისგან, რომ ყოფილიყო ხელმოწერა და პარტია „სტრატეგია აღმაშენებელთან“ ერთად, ინდივიდუალურად დავაფიქსირეთ ჩვენი ხელმოწერები“, – განაცხადა პაატა მანჯგალაძემ.

დაწერე კომენტარი (0 კომენტარი)
პოლიტიკა

 მელია ნიკა ციხესჰი melia cixe„სტრატეგია აღმაშენებლის“ ლიდერის გიორგი ვაშაძის ინფორმაციით, სამშაბათს საქართველოს პრეზიდენტი გამოაქვეყნებს შეწყალების აქტს და გიორგი რურუა გათავისუფლდება. ამის შესახებ მან ორბელიანების სასახლესთან განაცხადა, სადაც, პრეზიდენტმა სალომე ზურაბიშვილმა შარლ მიშელს და პარტიების წარმომადგენლებს ვახშამზე უმასპინძლა.

ამასთანავე, ვაშაძის განმარტებით, იმავე დღეს პარლამენტში დაინიცირდება კანონი ამნისტიის შესახებ.

„მინდა გაგაცნოთ პროცედურა, რომელზეც შევთანხმდით ბოლო შეხვედრის დროს შარლ მიშელის თანდასწრებით, რომლითაც ორივე პოლიტიკური პატიმარი გათავისუფლდება. პროცედურა იქნება შემდეგი - სამშაბათს ჩვენ ყველანი ერთად ვარეგისტრიურებთ ამნესტიის კანონთ პარლამენტში, ანუ, მივდივართ პარლამენტში და ვარეგისტრირებთ კანონპროექტს, როგორც კი ეს კანონი რეგისტრირდება, სალომე ზურაბიშვილმა გვითხრა, რომ ამის შემდეგ, იქნება შეწყალების აქტი მიღებული, ანუ ეს ნიშნავს, რომ შეწყალების აქტით რურუა გათავისუფლდება სამშაბათს და ჩვენ პარლამენტში ვიწყებთ ამნისტიის კანონის განხილვას, რომელიც შეეხება იმ მუხლებს, რომლითაც პასუხისგებაში მიცემული არიან დღეს ადამიანები 20 ივნისს ჩადენილ დანაშაულთან დაკავშირებით, მათ შორის, ეს ეხება მელიას, მათ შორის, ეს ეხება თამლიანს და ა.შ. ასევე, რაც მთავარია, ყველა მხარემ გამოთქვა მზაობა, რომ პროცედურული საკითხებიდან გამომდინარე, რაც შეიძლება სწრაფად მოხდება მიღება ამ კანონის, რომ განთავისუფლდეს მელია საპატიმრო დაწესებულებიდან, ხოლო რურუას განთავისუფლებას უკვე სამშაბათს ველოდები, იქიდან გამომდინარე, რომ სალომე ზურაბიშვილმა თქვა შარლ მიშელის თანდასწრებით, რომ სწორედ სამშაბათს მოხდება ამ პროცედურის რეალიზება,“- განაცხადა ვაშაძემ.

ვაშაძის თქმით, დაპირება მიიღეს, რომ კანონის მიღება შევიწროებულ ვადებში მოხდება.

"ერთ კვირაში სამი მოსმენით კანონი ვერ მიიღება პარლამენტში რეალისტურად რომ შევხედოთ. მივიღეთ ჩვენ თანხმობა არჩილ თალაკვაძისგან, რომ მაქსიმალურად შევიწროვებულ ვადებში მოხდება ამ კანონის მიღება", -განაცხადა მან.

დაწერე კომენტარი (0 კომენტარი)
პოლიტიკა

aqciaaaa manqannnnnnn„ნაციონალური მოძრაობის“ წევრები ნიკა მელიას მხარდასაჭერად რესპუბლიკის მოედნიდან რუსთავის ციხემდე ავტოკოლონებით მსვლელობას მართავენ.

როგორც „ერთიანი ნაციონალური მოძრაობის" წევრმა ირაკლი ნადირაძემ ჟურნალისტებთან განაცხადა, ნიკა მელია არანაირი გირაოს გადახდას არ აპირებს და „ვინც ამას გააკეთებს, ყველა მისი მტერია“.

„ჩვენ ერთად ვნახეთ ნიკა მელიას ძალიან ცალსახა და მკვეთრი პოზიცია, რომ ის არც ერთ შემთხვევაში არანაირი გირაოს გადახდას არ აპირებს. ყველა ის ადამიანი ვინც ამას გააკეთებს, მისი მტერი იქნება, ვინც არ უნდა იყოს.

დღეს კიდევ ერთხელ ჩავალთ რუსთავში, რომ კიდევ ერთხელ გავამხნევოთ ნიკა მელია. „ქართულ ოცნებას" თავში რა მოუვა, ამას წინასწარ ვერავინ იტყვის, მაგრამ ფაქტია, რომ ნიკა მელია კატეგორიული წინააღმდეგია, ვინმემ მისი თავისუფლებით ივაჭროს", - განაცხადა ნადირაძემ.

დაწერე კომენტარი (0 კომენტარი)
პოლიტიკა

 departamenti usaშეთანხმება არის საქართველოს დემოკრატიული განვითარებისთვის მნიშვნელოვანი ნაბიჯი - ასე გამოეხმაურა აშშ-ის სახელმწიფო დეპარტამენტის პრესსპიკერი ნედ პრაისი საქართველოს მთავრობასა და ოპოზიციური პარტიის ლიდერებს შორის მიღწეულ შეთანხმებას.

როგორც მან ყოველდღიურ ბრიფინგზე განაცხადა, აშშ მოწოდებულია, დაეხმაროს საქართველოს პარლამენტს, რომ უზრუნველყოს ამ შეთანხმების მიზნების მიღწევა.

„ჩვენ მივესალმებით საქართველოში გუშინ მიღწეულ შეთანხმებას, რათა დასრულდეს ქვეყანაში პოლიტიკური კრიზისი. ეს შეთანხმება, რომელიც ევროპული საბჭოს პრეზიდენტის შარლ მიშელის მედიაციით იქნა მიღწეული, მოითხოვდა რთულ კომპრომისებს ყველა მხარისგან. ის მოითხოვდა პოლიტიკურ გამბედაობას და ქართველი ხალხის მიმართ ერთგულებას, რათა გაგრძელდეს დემოკრატიული ინსტიტუტების მშენებლობისა და კანონის უზენაესობის განმტკიცების საქმეზე მუშაობა. ეს არის საქართველოს დემოკრატიული განვითარებისთვის მნიშვნელოვანი პროგრესის ნიშანი. ჩვენ ვიწვევთ პარლამენტის ცალკეულ წევრებსა და დარჩენილ პარტიებს ხელი მოაწერონ შეთანხმებას ისე, რომ ყველა არჩეულმა წარმომადგენელმა შეძლოს ერთად მუშაობა საქართველოში არსებულ აქტუალურ საკითხებზე. აშშ ერთგულია დაეხმაროს საქართველოს პარლამენტს, რომ უზრუნველყოს ამ შეთანხმების მიზნების მიღწევა. როგორც ყოველთვის, ჩვენ მზად ვართ მხარი დავუჭიროთ საქართველოს ევრო-ატლანტიკურ ოჯახში სრული ინტეგრაციის გზაზე“, - აცხადებს ნედ პრაისი.

დაწერე კომენტარი (0 კომენტარი)
მოიწონეთ გვერდი

Search