ხუთშაბათი, ივნისი 17, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

პოლიტიკა

პოლიტიკა

parlamentმუნიციპალიტეტის მიერ განხორციელებულ პროექტებზე ტექნიკური ზედამხედველობის უფლება მუნიციპალიტეტის მიერ დაფუძნებულ იურიდიულ პირებსაც ექნებათ.

შესაბამისი ცვლილებები „სივრცის დაგეგმარების, არქიტექტურული და სამშენებლო საქმიანობის კოდექსში“ შედის, რომლის ინიციატორები დეპუტატები ზაზა გაბუნია, გურამ მაჭარაშვილი, ნინო წილოსანი, პაატა მხეიძე და მერაბ ქვარაია არიან.

კანონპროექტში აღნიშნულია, რომ კანონის მოქმედი რედაქციით, ინსპექტირება-ტექნიკური ზედამხედველობის განხორციელების უფლება მხოლოდ იმ დამოუკიდებელ ორგანოებს აქვთ, რომლებიც „მეწარმეთა შესახებ“ კანონით არიან რეგისტრირებული.

„ამ შეზღუდული წრის გაფართოება მიზანშეწონილია, რადგან ინსპექტირებას შესაძლოა, მუნიციპალიტეტის მიერ შექმნილი არასამეწარმეო (არაკომერციული) იურიდიული პირი ახორციელებდეს, რომელიც შექმნილი არ არის მოგების მისაღებად და მეწარმე სუბიექტი არ არის. თბილისის მუნიციპალიტეტის მიერ დაფუძნებულია ა(ა)იპ „თბილისის მუნიციპალური ლაბორატორია“, რომელიც დედაქალაქის მერიის მიერ განხორციელებულ პროექტებზე ახორციელებს – საინჟინრო ნაგებობების (ხელოვნური და სამოქალაქო ნაგებობები), ხაზოვანი ნაგებობების და ქსელების (წყალსადენ-კანალიზაცია და სანიაღვრე ქსელი) და ასფალტის, ბეტონის და ქვაფენილის საფარიანი გზების მშენებლობა-რეაბილიტაციის ტექნიკურ ზედამხედველობას. მნიშვნელოვანია, აღნიშნული ფუნქცია მსგავსი ტიპის დაწესებულებებისთვის შენარჩუნდეს, რადგან მათ ძირითად საქმიანობას სწორედ ტექნიკური ზედამხედველობა წარმოადგენს“, – ნათქვამია კანონპროექტში და ასევე მითითებულია, რომ ამ დაწესებულებებში დასაქმებულ პირებს ტექნიკური ზედამხედველობის განხორციელების მიმართულებით შესაბამისი გამოცდილება და სათანადო კვალიფიკაცია აქვთ.

1tv.ge

დაწერე კომენტარი (0 კომენტარი)
პოლიტიკა

arciltalakvadzeგარწმუნებთ, ხელისუფლებას ვერავინ ვერაფერს მოუწყობს და საზოგადოებრივ წესრიგს არანაირი საფრთხე არ შეექმნება, – ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა.

როგორც არჩილ თალაკვაძემ აღნიშნა, თუ ვინმეს სურს პროტესტის გამოხატვა, შეუძლია, ეს პროტესტი გამოხატოს მშვიდობიანი ფორმებით, როგორც ამას კანონმდებლობა ითვალისწინებს.

„რაც შეეხება თავად ფილმს და ხელოვნებას, ჩვენ გვაქვს თავისუფალი ქვეყანა, კულტურული საზოგადოება და ყველას შეუძლია, ხელოვნებაში თავისი თავი გამოხატოს ისე, როგორც ამას თვლის საჭიროდ, შესაბამისად, აქ სხვა კითხვები არ არსებობს“, – განაცხადა არჩილ თალაკვაძემ.

„ბავშვთა უფლებების დაცვის საზოგადოების” თავმჯდომარე გურამ ფალავანდიშვილმა განაცხადა, რომ ფილმის „და ჩვენ ვიცეკვეთ“ პრემიერაზე მაყურებლებს თბილისისა და ბათუმის კინოთეატრებში არ შეუშვებენ. „ბავშვთა უფლებების დაცვის საზოგადოებას“ მხარს უჭერს ყოფილი დეპუტატი დიმიტრი ლორთქიფანიძეც. ის არ გამორიცხავს, რომ „ამირანსა“ და „აპოლოში“ ჩვენების დროს ელექტროენერგია გაითიშოს. ფალავანდიშვილის განცხადებით, 8, 9 და 10 ნოემბერს კინოთეატრების პიკეტირებას მოახდენენ.

ამასთან, გუშინ ვიდეომიმართვა გაავრცელა ბიზნესმენმა, ლევან ვასაძემ და აღნიშნა, რომ  ამ ფილმის გადაღებით მთელ მსოფლიოში შეარცხვინეს ქართული კულტურა.

„პარასკევს 8 ნოემბერს, 16:00 საათზე დიდი რაოდენობით შევიკრიბებით ვერის ბაღში, დავიყოფით ხუთ ჯგუფად და დავიძვრებით იმ კინოთეატრებისკენ, სადაც ეს ჩვენებები იგეგმება. ჩვენ შევალთ ამ კინოთეატრებში და არ მივცემთ მათ ამ სეანსების ჩატარების უფლებას. თუ ჩვენ იქ დაგვხვდება პოლიციის კორდონები, გავწევთ პოლიციელებს და მაინც შევალთ კინოთეატრებში, მოვუწოდებ ჩვენს საამაყო პოლიციელებს, არ წავიდნენ ერის ტრადიციების წინააღმდეგ და არ დაიცვან ქვეყნის გარყვნა. წინააღდმეგ შემთხვევაში, ისინი შეარცხვენენ საკუთარ გვარებსა და ოჯახებს და იძალადებენ საკუთარ ხალხსა და მის ტრადიციას. მოვუწოდებ ყველას, არავითარი ცემა-ტყეპა, არავითარი კომბალი ან იარაღი, უბრალოდ შევდივართ შიშველი ხელებით კინოთეატრებში და ვშლით ამ სეანსებს, შევდივართ საოპერატოროში და ვთიშავთ ფილმის ჩვენებას“, – განაცხადა არჩილ თალაკვაძემ.

დაწერე კომენტარი (0 კომენტარი)
პოლიტიკა

74647620 766281257156311 6029512043470520320 nოზურგეთის მუნიციპალიტეტის საკრებულოს სხდომა დღეს 20 წუთის დაგვიანებით დაიწყო. მიუხედავად იმისა, რომ დარბაზი სხდომის დასაწყებად უკვე მზად იყო, ოზურგეთის საკრებულოს თავმჯდომარე, მოადგილე და ოზურგეთის მუნიციპალიტეტის მერიის წარმომადგენლები დახურულ კარს მიღმა 2020 წელს რეგიონული განვითარების ფონდიდან დასაფინანსებელ ინფრასტრუქტურულ პროექტებს განიხილავდნენ. როგორც ითქვა, ამის მიზეზი ოზურგეთის მერიის მიერ პროექტის დაგვიანებით შემოტანა გახდა.

დაწერე კომენტარი (0 კომენტარი)
პოლიტიკა

salomezurabრატომ უნდა მივიდე იქ, სადაც არ ვარ დაბარებული , – ასე უპასუხა საქართველოს პრეზიდენტმა, სალომე ზურაბიშვილმა ჟურნალისტების მიერ დასმულ კითხვას, რატომ არ მიდის გენერალურ პროკურატურაში შეწყალების საქმესთან დაკავშირებით.

ზურაბიშვილის თქმით, საგამოძიებო უწყებაში მისვლის პრობლემა არ აქვს, თუმცა კითხვები არ არსებობს.

„რატომ უნდა მივიდე, სადაც არ ვარ დაბარებული, არანაირი პრობლემა არ არის, მაგრამ არანაირი კითხვაც არ არის“ ,- აღნიშნა სალომე ზურაბიშვილმა.

მარიამობის დღესასწაულთან დაკავშირებით, სალომე ზურაბიშვილმა მკვლელობისთვის მსჯავრდებული სამი პირი შეიწყალა შეიწყალა.

20 სექტემბერს საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე.

გამოძიების ფარგლებში პრეზიდენტის საპარლამენტო მდივანი დიმიტრი გაბუნია, პრეზიდენტის ადმინისტრაციის უფროსის მოადგილე ანგი ხუციშვილი და პრეზიდენტის ადმინისტრაციის სხვა თანამშრომლები გამოიკითხენ.

1tv.ge

დაწერე კომენტარი (0 კომენტარი)
პოლიტიკა

ozurgetriskarოზურგეთის მუნიციპალიტეტის მერიაში დაწყებულ რეორგანიზაციაზე, მუნიციპალიტეტის საკრებულომ მსჯელობა უკვე დაიწყო.

 "ოზურგეთის მუნიციპალიტეტის მერიის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრისა და საშტატო ნუსხის დამტკიცების შესახებ“ დადგენილების პროექტის თანახმად, რეორგანიზაცია შტატების შემცირებას არ გულისხმობს.

როგორც დოკუმენტშია განმარტებული, მერია საკრებულოსგან 5 საშტატო ერთეულის დამატებაზე ითხოვს თანხმობას.

უფრო კონკრეტულად კი,  საშტატო ერთეული უნდა დაემატოს ადამიანური რესუსრსების მართვის განყოფილებას; ჯანდაცვისა და სოციალური მომსახურების განყოფილებას; ქონების მართვის განყოფილებას; ადმინისტრაციულ სამართალდარღვევათა განყოფილებას და ინფრასტქრუტურული განვითარების განყოფილებას.

როგორც საკრებულოს ბიუროს სხდომაზე მერიის იურიდიული სამსახურის წარმომადგენელმა მიხეილ შილაკაძემ განმარტა, "წარმოდგენილი საშტატო ნუსხა ითვალისწინებს მერიის სოციალურ და ჯანდაცვის საკითხთა სამსახურის შეერთებას მერიის განათლების, კულტურის, სპორტის და ახალგაზრდულ საქმეთა სამსახურთან და სამართლებრივი უზრუნველყოფის და ზედამხედველობის სამსახურიდან, ზედამხედველობის განყოფილების გამოყოფას, რომელიც გარდაიქმნება სამსახურად"

ხვალ ოზურგეთის საკრებულო აღნიშნულ პროექტს საჯარო ადმინისტრაციულ წარმოებაზე დააყენებს, ხოლო დაუჭერს თუ არა მხარს ოზურგეთის მერიის მიერ წარდგენილ პროექტს, დეკემბრის დასაწყისში გახდება ცნობილი.

დაწერე კომენტარი (1 Comment)
მოიწონეთ გვერდი

Search