ხუთშაბათი, ივნისი 17, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

პოლიტიკა

პოლიტიკა

qacaravaიმ კოლეგები ვინც გუშინ უმრავლესობა დავტოვეთ, შევთანხმდით, რომ შევიკრიბებით და დეტალურად განვიხილავთ ჩვენი სამომავლო გეგმებს, – ამის შესახებ დეპუტატმა სოფიო ქაცარავამ განაცხადა, რომელმაც გუშინ უმრავლესობის რიგები და საპარლამენტო თანამდებობის დატოვა.

„ამ წუთას ვერანაირ კონკრეტიკას ვერ გეტყვით. კოლეგებთან შეხვედრას რაც შეება, სამი წლის განმავლობაში ერთად ვმუშაობდით და ბუნებრივია, მათთან შეხვედრები ახლაც გვაქვს და ძალიან ნორმალური პროცესია. დაბრუნებას რაც შეეხება, ამის პერსპექტივას ვერ ვხედავ. ჩვენ დღეს კიდევ ერთხელ დავილაპარაკებთ მათთან, ვინც უმრავლესობა დავტოვეთ, ასევე, ჩვენს კოლეგებთან, თუ ამის საჭიროება იქნება“, – განაცხადა ქაცარავამ.

მისივე თქმით, დღეს ის დეპუტატები შეიკრიბებიან, ვინც გუშინ უმრავლესობა დატოვა. დეპუტატის განცხადებით, შეხვედრის ზუსტი დრო ჯერ უცნობია.

„ახლა მოვედი იმისთვის, რომ შევხვდე ჩვენს საერთაშორისო პარტნიორებს. ალბათ დღის განმავლობაში რაღაც მომენტში შევიკრიბებით“, – განაცხადა ქაცარავამ.

ამასთან, კითხვაზე, იგეგმება თუ არა „ქართული ოცნების“ თავმჯდომარე ბიძინა ივანიშვილთან შეხვედრა, ქაცარამ თქვა, რომ „ასეთი გეგმები ამ წუთას არ არის“.

დეპუტატმა ასევე უპასუხოდ დატოვა კითხვა, გეგმავენ თუ არა უმრავლესობის ყოფილი წევრები ფრაქციის შექმნას.

„ამ ეტაპზე ვერანაირ პასუხს ვერ გაგცემთ იმ კონკრეტულ კითხვებზე, რაც თქვენ გაინტერესებთ. მესმის, რომ ინტერესი არის“, – აღნიშნა ქაცარავამ.

რაც შეეხება პარლამენტის საგარეო ურთიერთობათა კომიტეტის თავმჯდომარის პოსტზე მის შესაძლო შემცვლელთან დაკავშირებით დასმულ კითხვას, დეპუტატის თქმით, „შეუცვლელი არავინ არის“.

„გუნდში არიან კომპეტენტური ადამიანები, ვინც ჩაგანაცვლებენ და ამის პრობლემას ვერ ვხედავ“, – აღნიშნა სოფიო ქაცარავამ.

კითხვაზე, უკავშირდებოდა თუ არა უმრავლესობიდან მისი წასვლის გადაწყვეტილება იმას, რომ საერთაშორისო პარტნიორებთან გაუჭირდებოდა საკონსტიტუციო ცვლილებების პარლამენტში ჩავარდნის გამართლება, საგარეო ურთიერთობა კომიტეტის ყოფილმა თავმჯდომარემ აღნიშნა, რომ საკითხი „ამაზე არ არის“.

გამართლება-არ გამართლებაზე არ არის. ვნახეთ, როგორც განვითარდა პროცესები. მაჟორიტარების ჯგუფი იყო, რომელმაც ამას მხარი არ დაუჭირა. ვერავის აიძულებ დაუჭირო პროექტს მხარი, რომელიც მათთვის არის მიუღებელი. ჩვენთვის ეს ნაწილი იყო მიუღებელი. სამწუხაროა, ის რა შედეგიც დადგა“, – განაცხადა ქაცარავამ.

პროპორციულ საარჩევნო სისტემაზე გადასვლასთან დაკავშირებით, საპარლამენტო უმრავლესობის მიერ მომზადებულმა საკონსტიტუციო ცვლილებებმა პარლამენტში პირველი მოსმენით კენჭისყრაზე ხმების საკმარისი რაოდენობა ვერ მიიღო.

პარლამენტის პირველი ვიცე-სპიკერი თამარ ჩუგოშვილი, ასევე უმრავლესობის დეპუტატები – თამარ ხულორდავა, სოფო ქაცარავა, გიორგი მოსიძე, ირინა ფრუიძე, დიმიტრი ცქიტიშვილი და ზაზა ხუციშვილი უმრავლესობის რიგებს და საპარლამენტო თანამდებობებს ტოვებენ.

მოგვიანებით, კიდევ ერთმა დეპუტატმა, გიორგი ბეგაძემ სოციალურ ქსელში დაწერა, რომ ასევე ტოვებს  საპარლამენტო უმრავლესობის რიგებს.

1tv.ge

დაწერე კომენტარი (0 კომენტარი)
პოლიტიკა

ivanisviliiii"ქართული ოცნების" ცენტრალურ ოფისში პარტიის თავმჯდომარე ბიძინა ივანიშვილი რამდენიმე წუთის წინ მივიდა.

როგორც ჩვენი კორესპონდენტი ადგილიდან იუწყება, ივანიშვილი მთავარი შესასვლელიდან შევიდა და მედიასთნ კომენტარის გაკეთებაზე უარი თქვა.

"ქართული ოცნების" ოფისში იმყოფება ევროკავშირის ელჩი.

როგორც გავარკვიეთ, მმართველი გუნდის ოფისში უკვე მივიდნენ საპარლამენტო უმრავლესობაში დარჩენილი დეპუტატები.

დაწერე კომენტარი (0 კომენტარი)
პოლიტიკა

rustavismajრუსთავის მაჟორიტარმა დეპუტატმა პარლამენტში გიორგი ბეგაძემ საპარლამენტო უმრავლესობა დატოვა.

“დარწმუნებული ვიყავი, რომ შევძლებდით საზოგადოებისთვის და საერთაშორისო თანამეგობრობისთვის მიცემული პირობის შესრულებას!

სამწუხაროდ, ჯანმრთელობის მდგომარეობის გამო, ვერ ვესწრებოდი ბოლო დღეების სხდომებს და ვერც ვხედავდი რაიმე განსაკუთრებულ რისკს, რომ საკითხს არ ექნებოდა საკმარისი მხარდაჭერა.

მოცემული რეალობიდან გამომდინარე, მიწევს ჩემთვის რთული გადაწყვეტილების მიღება.

დღეიდან ვტოვებ საპარლამენტო უმრავლესობას და შესაბამისად, უმრავლესობის პარტიას.”-წერს გიორგი ბეგაძე ოფიციალურ ფეისბუქ გვერდზე

პროპორციულ საარჩევნო სისტემაზე გადასვლასთან დაკავშირებით, საპარლამენტო უმრავლესობის მიერ მომზადებულმა საკონსტიტუციო ცვლილებებმა პარლამენტში პირველი მოსმენით კენჭისყრაზე ხმების საკმარისი რაოდენობა ვერ მიიღო.

საკითხზე თავისუფალი კენჭისყრა ჩატარდა.

საკონსტიტუციო ცვლილების მისაღებად 113 დეპუტატის მხარდაჭერა იყო საჭირო.

მმართველი გუნდის მიერ მომზადებულ კონსტიტუციურ პროექტს კი, 101-მა დეპუტატმა დაუჭირა მხარი, სამი წინააღმდეგი იყო.

tv4.ge

დაწერე კომენტარი (0 კომენტარი)
პოლიტიკა

ninowilosaniiii"გურიაtv"-ისთვის მიცემული ექსკლუზიური ინტერვიუს შემდეგ, ჩოხატაურისა და ლანჩხუთის გაერთიანებული საარჩევნო ოლქის მაჟორიტარი დეპუტატი ნინო წილოსანი, საკუთარ გადაწყვეტილებას თუ რის გამო არ დაუჭირა მხარი 2020 წელს პროპორციული არჩევნების ჩატარებას, სოციალურ ქსელშიც განმარტავს:

"მე ვარ მაჟორიტარი დეპუტატი, რომელმაც გუშინ მხარი არ დაუჭირა საკონსტიტუციო ცვლილებას. ჩემთვის ეს არ ყოფილა მარტივი გადაწყვეტილება. ბოლო რამდენიმე დღის განმავლობაში, საბოლოო პოზიციის ჩამოყალიბებამდე, ამ თემაზე რჩევის მისაღებად ვესაუბრე ჩემს უახლოეს გარემოცვას, მეგობრებს, კოლეგებს.

მე არ ვეთანხმები მოსაზრებას, რომ საქართველოს განვითარების ამ ეტაპზე პროპორციული საარჩევნო სისტემა აუცილებლად სჯობს არსებულს. ბევრი არგუმენტი შემიძლია მოვიყვანო ჩემი პოზიციის დასაცავად, მაგრამ ამ შემთხვევაში, საკმარისია, ვახსენო, რომ პროპორციული საარჩევნო სისტემა ევროპის ბევრ ქვეყანაში ქმნის პოლიტიკურ კრიზისს, რაც საბოლოო ჯამში იწვევს თვეების განმავლობაში დაუკომპლექტებელ მთავრობას (გერმანია, ესპანეთი), კოალიციის შექმნის ისეთ მოდელს, რომელიც პირდაპირპროპორციული არ არის ამომრჩევლის გამოხატულ ნებასთან. რაც ჩვენს შემთხვევაში, ვფიქრობ, რომ სერიოზულად დამაზიანებელი იქნება.

 სწორედ ამიტომ განისაზღვრა 2020 წელი ძირითადი საკონსტიტუციო ცვლილებებისას გარდამავალ ეტაპად და მიეცა პარტიებს გაძლიერებისა და საერთო პოლიტიკური კულტურის ამაღლების საშუალება. ამას ემატება ის, რომ მე თითქმის ოთხი წელია, მჭიდროდ ვურთიერთობ ჩემი ოლქის ამომრჩევლებთან. მათთან ერთად შევძელი განმეხორციელებინა არაერთი პროექტი და ვმუშაობ ახალ გამოწვევებზე. მყარად ვარ დარწმუნებული, რომ ცენტრალურ ხელისუფლებასთან ჩემი შუამდგომლობა მნიშვნელოვანი დახმარება იყო ადგილობრივი თვითმმართველობისთვის ზემოხსენებული პროექტების განხორციელებაში.

2017 წელს გავაკეთე ჩემი არჩევანი პროპორციული საარჩევნო სისტემის სასარგებლოდ, როცა ჩვენი გუნდის ინიციატივით, კონსტიტუციაში ჩაიწერა, რომ 2024 წლიდან საქართველო გადადიოდა წმინდა პროპორციულ საარჩევნო სისტემაზე. ეს იყო ჩემი გუნდის გაბედული ნაბიჯი, მზაობა ჩაკეტილი წრის გარღვევისა და პოლიტიკურ ცხოვრებაში კოალიციისა და კონსენსუსის პრინციპის დაფუძნების.

 ამის პარალელურად, ვიმედოვნებდით, რომ შვიდი წლის განმავლობაში ადგილობრივი თვითმმართველობა სათანადოდ გაძლიერდებოდა, რაც საშუალებას მოგვცემდა, 2024 წელს გადავსულიყავით პროპორციულ საარჩევნო სისტემაზე. ამისთვის არაერთი კონკრეტული ნაბიჯი გადაიდგა, მათ შორის მერების არჩევა, დაფინანსების ეტაპობრივი ზრდა და მიმდინარე საკანონმდებლო ინიციატივები. თუმცა დაგეგმილი რეფორმა, ამ ეტაპზე, არ არის დასრულებული და 2024 წლამდე უამრავი პრინციპის გატარება იქნება საჭირო. სწორედ ამიტომ მიმაჩნია, რომ დღეს პროპორციულ საარჩევნო სისტემაზე გადასვლა შეცდომა იქნებოდა. თუმცა, „ქართულმა ოცნებამ“ გამოიჩინა კეთილი ნება (ამ კეთილ ნებას მეც შევუერთდი), რათა ეს საკითხი კენჭისყრაზე დაეყენებინა.

როგორც ყველა საკონსტიტუციო ცვლილების დროს, ამ შემთხვევშიც, გაიმართა საჯარო განხილვები, ასევე ჩვენს ამომრჩეველთან ღია შეხვედრები და, განსაკუთრებით რეგიონებში, გამოჩნდა, რომ მოსახლეობის დიდი ნაწილი შიშობს, მათი ხმა დროულად და სათანადოდ არ იქნება წარმოჩენილი ცენტრალურ ხელისუფლებაში. ეს და სხვა არაერთი არგუმენტი გახდა მიზეზი იმისა, რომ პარტიის თავმჯდომარემ გადაწყვიტა, თავისუფალი კენჭისყრის პირობებში თითოეულ დეპუტატს ჩვენი არჩევანი დაგვეფიქსირებინა.

 შედეგად, გამოჩნდა, რომ ამ ინიციატივას არ ეყო საკონსტიტუციო ცვლილებებისთვის საჭირო ხმათა რაოდენობა და პარლამენტმა ძალაში დატოვა 2017 წელს მიღებული საკონსტიტუციო ცვლილებები.

და ბოლოს, როგორც ყველა ჩვენი გადაწყვეტილება, ესეც თითოეული ჩვენგანის პოლიტიკური პასუხისმგებლობის ნაწილია, რაც საბოლოო ჯამში, გარდაიქმნება ხალხის ნდობაში:, _ წერს წილოსანი.

იხილეთ ინტერვიუ, რომელიც ნინო წილოსანთან გუშინ, კენჭისყრის შემდეგ ჩაიწერა: "მე არ ვვაჭრობ ჩემი გადაწყვეტილებებით" _ ნინო წილოსანის პირველი ექსკლუზიური ინტერვიუ კენჭისყრის შემდეგ

დაწერე კომენტარი (0 კომენტარი)
პოლიტიკა

wilosani_ მე თავისუფალი არჩევანი გავაკეთე, _ ასე განმარტავს საკუთარ გადაწყვეტილებას, რომლითაც მხარი არ დაუჭირა 2020 წლის არჩევნების პროპორციული წესით ჩატარებას,  ჩოხატაურისა და ლანჩხუთის გაერთიანებული საარჩევნო ოლქის მაჟორიტარი დეპუტატი ნინო წილოსანი.

"გურიაtv"-ისთვის მიცემულ ექსკლუზიურ ინტერვიუში  წილოსანი თავისუფალი არჩევანის შესაძლებლობისთვის პარტიის თავმჯდომარეს მადლობას უხდის:

ჩემი არჩევანი პროპორციული საარჩევნო სისტემის სასარგებლოდ 2017 წელს გავაკეთე როცა ჩვენი გუნდის გადაწყვეტილებით კონსტიტუციაში ჩაიწერა 2024 წლიდან პროპორციული საარჩევნო სისტემა.

თუმცა, არგუმენტი რატომაც მაშინვე განისაზღვრა 2020 წელი გარდამავალ პერიოდად ჩემთვის ეხლაც აქტუალური იყო. იმის ფონზე რამდენად რადიკალურად და აგრესიულად იქცევა ნაციოანალური მოძრაობა დავრწმუნდი, რომ მათთან კოალიციის შექმნის მცირედი ალბათობაც კი ჩემი ამომრჩეველისთვის მიუღებელი იქნებოდა.

სწორედ იმიტომ, რომ კარგად ვიცი რა დაკვეთა აქვს ჩემს ამომრჩეველს გადავწყვიტე არ დამეჭირა მხარი ამ ინიციატივისთვის.

მადლობა მინდა ვუთხრა პარტიის თავმჯდომარეს, რომელმაც შიდაპარტიული დემოკრატიულობის პრინციპიდან გამომდინარე თავისუფალი კენჭისყრის საშუალება მომცა და ამით გამეკეთებინა თავისუფალი არჩევანი, _ ამბობს ჩვენთან საუბრისას წილოსანი.

_ ქალბატონო ნინო, თქვენმა ამ გადაწყვეტილებამ გაამყარა ეჭვი, რომ ეს დადგმული და ბიძინა ივანიშვილთან შეთანხმებული იყო...მართლაც წარმოუდგენელია თქვენგან ეს წინააღმდეგობა...

_ ეჭვების გამქარწყლებლად ვერ გამოვდგები. ფაქტები და მოტივაცია არის ის, რაც არის. პარტიის თავმჯდომარის გადაწყვეტილება კი, მოეცა თავისუფალი კენჭისყრის საშუალება ძალიან სწორი და გუნდური ნაბიჯი.

_ თქვენი მეუღლე და მამა ამ დრომდე ბრალდებულები არიან... საქმე, რომლითაც მათ სახელმწიფოს კუთვნილი დიდი ოდენობით თანხების მითვისებას ედავებიან სასამართლოშია  და პროცესი არადაარ სრულდება... ამ ფონზე იმის თქმა, რომ ეს თქვენი თავისუფალი ნება იყო, არ ფიქრობთ, რომ თქვენი ამომრჩევლისთვის დამაჯერებელი არ არის და ეს უფრო ამყარებს ეჭვს, რომ ყველაფერი კარგად დადგმული სპექტაკლია, რომელშიც თქვენც მიიღეთ მონაწილეობა?

_ მე არ ვვაჭრობ ჩემი გადაწყვეტილებებით, ჩემი ოჯახი კი ჩემს გარეშეც კარგად დაიცავს თავს, შესაბამისად დაამტკიცებს თავის სიმართლეს, _ აღნიშნა ჩვენთან ექსკლუზიურ ინტერვიუში ნინო წილოსანმა.

დაწერე კომენტარი (0 კომენტარი)
მოიწონეთ გვერდი

Search