ხუთშაბათი, ივნისი 17, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

პოლიტიკა

პოლიტიკა

cqitisvili"ორშაბათს პარლამენტს მივმართავთ შესაბამისი განცხადებებით საპარლამენტო პოზიციებისა და უმრავლესობის დატოვების შესახებ", _ წერს სოციალურ ქსელში პარლამენტის დეპუტატი დიმა ცქიტიშვილი და გუშინ მიერ მიღებულ გადაწყვეტილებას განმარტავს:

"გუშინ, საკონსტიტუციო ცვლილების კენჭისყრის შემდეგ, საზოგადოებას გავაცანით ჩვენი გადაწყვეტილება, დავტოვოთ “ქართული ოცნების” და საპარლამენტო უმრავლესობის რიგები.

ეს გადაწყვეტილება იყო ის ერთადერთ სწორი გადაწყვეტილება, რაც შექმნილ მძიმე ვითარებაში შეგვეძლო მიგვეღო და ის, რა თქმა უნდა ძალაშია.

. ჩვენ სამი წელია ვართ “ქართული ოცნების” წევრები (მე პირადად ექვსი წელია) და ბუნებრივია, დღეს, პირველ რიგში, საჭიროდ ჩავთვალეთ, ჩვენი ყოფილი გუნდის ლიდერებისთვის საბოლოო გადაწყვეტილების გაცნობა.

ორშაბათს პარლამენტს მივმართავთ შესაბამისი განცხადებებით საპარლამენტო პოზიციებისა და უმრავლესობის დატოვების შესახებ. რაც შეეხება შემდგომ ნაბიჯებს, ამაზე უახლოეს მომავალში გავაკეთებთ განცხადებას", _ წერს ცქიტიშვილი.

დაწერე კომენტარი (0 კომენტარი)
პოლიტიკა

kvijinadzeფრაქცია "ქართული ოცნება _ კონსერვატორების" ნაწილმა დღეს აპარლამენტო უმრავლესობა დატოვეს. როგორც ფრაქციის წევრმა, პარლამენტის თავმჯდომარის მოადგილემ, ზვიად ძიძიგურმა აღნიშნა, ამის მიზეზი გუშინ განვითარებული მოვლენები გახდა.

ამავე ბრიფინგზე ცნობილი გახდა, რომ ძიძიგურის პოზიცია გაიზიარეს ნინო გოგუაძემ და გიგა ბუკიამ. რაც შეეხება დანარჩენ წევრებს _ ამ დროისთვის ცნობილია, რომ უმრავლესობაში რჩება და კონსერვატორებს ტოვებს მუხრან ვახტანგაძე.

როგორც გავარკვიეთ, უმრავლესობის რიგებში ამ დროისთვის რჩება კონსერვატორების კიდევ ერთი წევრი პაატა კვიჟინაძეც, რომელიც  ამ დროისთვის საფინანსო- საბიუჯეტო კომიტეტის თავჯდომარის მოადგილეა. თუმცა, როგორც წყარომ გვითხრა კვიჟინაძე მმართველ გუნდთან ვაჭობს და უმრავლესობაში დარჩენის სანაცვლოდ თანამდებობას ითხოვს:

_ კვიჟინაძე გარკვეულ თანამდებობას ელოდებოდა, თუმცა არ გამოვიდა. ამ დრომდე ვაჭრობს. თანამდებობას ითხოვს უმრავლესობაში დარჩენის სანაცვლოდ, _ გვითხრა წყარომ.

ჩვენ შევეცადეთ დეტალები პაატა კვიჟინაძესთან გადაგვემოწმებინა, თუმცა, მან "გურიაTV"-ისსატელეფონო ზარებს არ უპასუხა.

ამ თემაზე საუბრისგან თავი შეიკავეს უმრავლესობის წევრებმაც. "ქართული ოცნების" წევრებმა პირად საუბრებში მხოლოდ ის გვითხრეს, რომ კომენტარებს ხვალ, უმრავლესობის სხდომის დასრულების შემდეგ გააკეთებენ.

ჩვენი ინფორმაციით სწორედ ხვალ გაირკვევა ვინ რჩება, ვინ მიდის და ვინ რა თანამდებობას დაიკავებს.

 

 

დაწერე კომენტარი (1 Comment)
პოლიტიკა

kalaaaaaaaთბილისის მერი კახა კალაძე აცხადებს, რომ ყველას აქვს უფლება, კანონის ფარგლებში გამოხატოს საკუთარი განსხვავებული მოსაზრება.

ამასთან, როგორც მან აღნიშნა, ყველა გადაცდომას შესაბამისი რეაგირება მოჰყვება.

„ჩვენ ვხედავთ ადამიანებს, რომლებსაც აქვთ განსხვავებული მოსაზრებები და მათ აქვთ სრული უფლება, კანონის ჩარჩოებში გამოვიდნენ და გამოხატონ თავიანთი მოსაზრებები სხვადასხვა საკითხზე. მთავარია, ეს იყოს კანონის ჩარჩოებში. როგორც კი იქნება გადაცდომა, ამას მოჰყვება შესაბამისი რეაგირება, ასევე კანონის ფარგლებში“, – განაცხადა კახა კალაძემ ჟურნალისტების კითხვის პასუხად.

დაწერე კომენტარი (0 კომენტარი)
პოლიტიკა

volskiiჩემი ხალხის წინაშე შემიძლია, სრული პასუხისმგებლობით ვთქვა, რომ საგარეო კურსი, რუსეთის თემა ამ შემთხვევაში არაფერ შუაში არ არის, – განაცხადა საპარლამენტო უმრავლესობის ლიდერმა, გია ვოლსკიმ პროპორციულ საარჩევნო სისტემაზე გადასვლის შესახებ კანონპროექტის ჩავარდნასთან დაკავშირებით კონგრესმენ ადამ კინზინგერის გამოხმაურების შეფასებისას.

საუბარია ადამ კინზინგერის განცხადებაზე იმის შესახებ, რომ „პროპორციული სისტემის ჩაგდება პუტინისთვის მირთმეული საჩუქარი იქნება, რაც გაანადგურებს საქართველოს პროგრესს“.

„გასაგებია, კონგრესმენს გაცილებით მეტი წონა აქვს, რადგან ამერიკის შეერთებულ შტატებს წარმოადგენს, ვიდრე მე, რადგან საქართველო შედარებით პატარაა, მაგრამ ჩემი ხალხის წინაშე შემიძლია, სრული პასუხისმგებლობით ვთქვა, მხარს ვინც გვიჭერს და ვინც არ გვიჭერს, საგარეო კურსი, რუსეთის თემა ამ შემთხვევაში არაფერ შუაში არ არის. მით უმეტეს თუ გავიხსენებთ, რომ პრორუსულად მოხსენიებულმა პარტიებმა საკმაოდ მკაცრი პოზიცია გამოხატეს იმასთან დაკავშირებით, რომ პროპორციული არჩევნები სწორედაც რომ მისაღებია მათი მეტი წარმომადგენლობისათვის საკანონმდებლო ორგანოში.

ამერიკაში 10 წელი ვცხოვრობდი და ვიცი, რომ ამერიკული დემოკრატიისთვის, საპირისპირო აზრის მოსმენა არ არის ისეთი სკანდალური, როგორც ჩვენს საზოგადოებაში აღიქმება“, – განაცხადა ვოლსკიმ.

 1tv.ge
დაწერე კომენტარი (0 კომენტარი)
პოლიტიკა

talakამ მომენტისთვის რიგგარეშე არჩევნების ჩატარების კონსტიტუციური საფუძველი არ არსებობს, შესაბამისად, როგორც იურიდიული პროცესი ან როგორც იურიდიული ინიციატივა, ეს არ განიხილება, – ამის შესახებ საქართველოს პარლამენტის თავმჯდომარემ, არჩილ თალაკვაძემ „ქართული ოცნების“ ოფისში ჟურნალისტებს განუცხადა.

მისი თქმით, ოპოზიციამ მკაფიოდ უნდა ჩამოაყალიბოს არგუმენტები, რითაც დაასაბუთებს რიგგარეშე არჩევნების საჭიროებას.

„ოპოზიციამ მკაფიოდ უნდა თქვას, რით ასაბუთებენ რიგგარეშე არჩევნების საჭიროებას და რატომ მიაჩნიათ, რომ რიგგარეშე არჩევნებზე მათი ინიციატივა, რომელიც არ განიხილება ახლა, არის უფრო უკეთესი ქვეყნისთვის. რა შეეხება დათმობას, ჩვენს ოპონენტებს, ყველაზე რადიკალურ ოპონენტებსაც კი ვთხოვ, რომ მაქსიმალურად ჩაერთონ კონსტრუქციულ პროცესში, ჩაერთონ ნორმალურ პოლიტიკურ პროცესში.

ძალიან მალე, უკვე 2020 წლის შემოდგომაზე გვექნება საპარლამენტო არჩევნები. დრო ბევრი არ არის, ასე რომ, ნორმალური პოლიტიკური პროცესით, კონსტრუქციული პროცესით უნდა მოვემზადოთ ამ არჩევნებისთვის.

რაც შეეხება დათმობებს, ეუთოს რეკომენდაციების ფარგლებში, გრძელდება საარჩევნო კანონმდებლობაზე მუშაობა. იქ არის ძალიან მნიშვნელოვანი საკითხები, რომლებიც ოპოზიციას აინტერესებს; ეს არის დაფინანსება, ეს არის კამპანიის ჩატარება, ეს არის პარტიების რეგისტრაცია, საარჩევნო ადმინისტრაცია, ადმინისტრაციული რესურსის გამოყენების საკითხები და ამ საკითხებზე მზად ვართ, რეფორმა ბოლომდე მივიყვანოთ“, – განაცხადა თალაკვაძემ.

დაწერე კომენტარი (0 კომენტარი)
მოიწონეთ გვერდი

Search