სამშაბათი, ივნისი 15, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

პოლიტიკა

პოლიტიკა

kobaxidze mtavarze"20 ივნისის შემდეგ უახლოეს პერიოდში იყო ასეთი მოსაზრება, რომ გახარიას დაეტოვებინა შს მინისტრის თანამდებობა და ეს საკითხი მომწიფებულიც კი იყო. თუმცა რაღაცამ შეცვალა შემდეგ ეს გადაწყვეტილება", - ასეთ განცხადებას აკეთებს "ქართული ოცნების" თავმჯდომარე ირაკლი კობახიძე "მთავარი არხის" ეთერში გადაცემაში "გიორგი გაბუნიას ინტერვიუ ხელისუფლებასთან", ექსპრემიერ გიორგი გახარიასა და 20 ივნისის სისხლიან ღამეზე საუბრისას.

ჟურნალისტის შეკითხვაზე, რამ შეცვალა ეს გადაწყვეტილება, კობახიძე პასუხობს, "რაღაცამ შეცვალა და არა ვიღაცამ ვერ ვიტყვი რა იყო ეს რაღაც, თუმცა ამის დროც გარკვეულ მომენტში დადგება". მისივე თქმით, ეს იყო გახარიასთან დაკავშირებული "გარე ფაქტორი".

მისივე თქმით, 20 ივნისის აქციის დაშლაზე "გახარია იღებდა გადაწყვეტილებებს... თვითონ იყო პასუხისმგებელი ოპერაციაზე". რის შემდეგაც, კობახიძის თქმითვე, გუნდში გახარიასთან დაკავშირებით კითხვის ნიშნები გაჩნდა, რადგან "ოპერაცია იყო აბსოლუტურად გაუგებრად დაგეგმილი".

დაწერე კომენტარი (0 კომენტარი)
პოლიტიკა

nato otan14 ივნისს, ბრიუსელში გამართული ნატოს სამიტის საბოლოო დეკლარაციაში ნათქვამია, რომ ალიანსის კარები ღია რჩება ყველა ევროპული დემოკრატიისთვის. ამასთან, ალიანსის წევრი ქვეყნების ლიდერები რუსეთს აფრთხილებენ, რომ მოსკოვსა და ნატოს შორის ნორმალური ურთიერთობა არ აღდგება მანამ, „სანამ რუსეთი აჩვენებს, რომ იცავს საერთაშორისო სამართალს, საერთაშორისო ვალდებულებებს და პასუხისმგებლობებს“. 

სამიტის დეკლარაციის მე-14-ე პუნქტში ნათქვამია, რომ ალიანსი კიდევ ერთხელ უცხადებს „მხარდაჭერას უკრაინის, საქართველოს და მოლდოვის რესპუბლიკის ტერიტორიულ მთლიანობას და სუვერენიტეტს, საერთაშორისოდ აღიარებულ საზღვრებში“. ალიანსი რუსეთს მოუწოდებს საერთაშორისო ვალდებულებების თანახმად გაიყვანოს თავისი ძალები, რომლებიც სამივე ქვეყანაში, ამ სახელმწიფოების თანხმობის გარეშე ჰყავს განთავსებული.

დეკლარაციის 68-ე პუნქტი მთლიანად საქართველოს ეხება, და ტექსტში ვკითხულობთ: „ჩვენ კიდევ ერთხელ ვიმეორებთ 2008 წლის ბუქარესტის სამიტზე მიღებულ გადაწყვეტილებას, რომ საქართველო გახდება ალიანსის წევრი, და გაწევრიანების სამოქმედო გეგმა (MAP) ამ პროცესის ცენტრალური ნაწილი იქნება. კიდევ ერთხელ ვამტკიცებთ იმ და შემდგომი გადაწყვეტილებების ყველა ელემენტს - მათ შორის იმას, რომ ყოველი პარტნიორი მისი მაჩვენებლების მიხედვით იქნება განხილული. მყარად ვუჭერთ მხარს საქართველოს უფლებას თავად გადაწყვიტოს თავისი მომავალი და საგარეო პოლიტიკის კურსი, გარე ჩარევის გარეშე.“

ნატოს სამიტის დეკლარაციაში ნათქვამია, რომ ალიანსისთვის ძალიან ღირებულია საქართველოს წვლილი ნატოს ოპერაციებში - რაც აჩვენებს ამ ქვეყნის ერთგულებას და უნარს წვლილი შეიტანოს ევრო-ატლანტიკურ უსაფრთხოებაში. ამასთან, ალიანსი მიესალმება საქართველოში ახლახან შემდგარ პოლიტიკურ შეთანხმებას, რომელიც „გზას უხსნის მნიშვნელოვან რეფორმებს“, რაც საქართველოს პროგრესს წაადგება ალიანსში გაწევრიანების გზაზე.

„საქართველოსთან მჭიდროდ ვთანამშრომლობთ შავი ზღვის რეგიონის უსაფრთხოების საკითხებზე, რუსეთის მხრიდან მზარდი დესტაბილიზაციის გამომწვევი მოქმედებების პასუხად და მივესალმებით ნაბიჯებს განახლებული ნატო-საქართველოს არსებითი პაკეტის გასახორციელებლად. მზად ვართ გავაძლიეროთ საქართველოს მხარდაჭერა, მათ შორის მისი შესაძლებლობების ჰიბრიდულ საფრთხეებთან გასამკლავებლად, წვრთნის და ვარჯიშის და უსაფრთხო კომუნიკაციის თვალსაზრისით. მოუთმენლად ველით ნატო-საქართველოს შემდეგ წვრთნებს 2022 წელს“ - ვკითხულობთ განცხადებაში.

დაწერე კომენტარი (0 კომენტარი)
პოლიტიკა

 kaxadze ladooooo"ბოდიშს ვიხდი, საწყენად არ მიიღოთ. ძალიან ხშირად ხმარობთ სიტყვა სადღეგრძელოს, ასეთი შთაბეჭდილება მრჩება, რომ ისინი, ვინც ამას უგვანოდ ხმარობთ, ცუდად გადღეგრძელეს, როცა დაიბადეთ, ან არასწორად დაიბადეთ ამ ქვეყანაზე და ვერ შეგეგებათ თქვენი წინამორბედი თქვენს მოვლენის გასახალისებლად და ამ სიხარულის გასანაწილებლად. ამ სიტყვას დაუკვირდით. პოლიტიკოსების მოსახმარი სიტყვა არაა სადღეგრძელო. სადღეგრძელოს უკან ლიტერატურაც კარგად უნდა იცოდე, ისტორიაც უნდა იცოდე, შენი საკუთარი ცოდნა მეცნიერების იმ დარგის მიმართ, რომელიც აირჩიე, თუ გაქვთ ასეთი დარგი, არ ვიცი, პირდაპირ პოლიტიკოსები გახდით. არაფერი არ გამოგივლიათ ამ ქვეყანაზე და პირდაპირ ტრიბუნასთან დადექით. ნაწილს ეხება ეს, ყველას - არა." 

- ამის შესახებ ქართული ოცნების დეპუტატმა ლადო კახაძემ პარლამენტში სიტყვით გამოსვლისას თქვა.
დაწერე კომენტარი (0 კომენტარი)
პოლიტიკა

gaxaria aaa sssვინმეს თუ ჰგონია, რომ იმის წამოძახებით, მაშინ რატომ ვერ გააკეთე, მე რაიმე კომპლექსს გამიჩენენ, ვერ გამიჩენენ, -ამის შესახებ ყოფილმა პრემიერ-მინისტრმა, პარტია „საქართველოსთვის“ ლიდერმა, გიორგი გახარიამ ბათუმში ჟურნალისტებს განუცხადა.

მან აღნიშნა, რომ მისი პრემიერ-მინისტრობის დროს ქვეყანაში ბევრი რამ გაკეთდა, ხოლო ის, რაც ვერ გაკეთდა, სურს ახლა უფრო სწრაფად და ეფექტურად განახორციელოს.

„ბევრი რამ გაკეთდა, მაგალითად „ოცნების ქალაქი“, რომელიც მთლიანად გუნდის მხარდაჭერით გაკეთდა საკმაოდ ეფექტურად და სწრაფად. დარწმუნებული ვარ, მალე დასრულდება. ბევრი რამ გაკეთდა და მე ამაში მონაწილეობა მიღებული მაქვს. ბევრი რამ ვერ გაკეთდა, ეს არის ის პასუხისმგებლობა, რის გამოც, ჩვენ ვამბობთ, რომ ეს უნდა გავაკეთოთ უფრო სწრაფად, უფრო ეფექტურად და უფრო კეთილსინდისიერად. ეს არის ის, რატომაც ჩვენ აქ ვდგავართ. ეს არის ის პასუხისმგებლობა, რომელიც ჩვენი მოქალაქეების წინაშე გვაქვს. ვინმეს თუ ჰგონია, იმის წამოძახებით, მაშინ რატომ ვერ გაკეთე, მე რაიმე კომპლექსს გამიჩენენ, ვერ გამიჩენენ ელემენტარული მიზეზის გამო, ის, რაც ვერ გავაკეთეთ, (ვაღიარებ, რომ ბევრი რამ ვერ გავაკეთეთ) არის ის ძირითადი მოტივაცია და ძირითადი პასუხისმგბლობა, რომ ბევრად უკეთესად, ბევრად უფრო სწრაფად და ეფექტურად გავაკეთოთ ეს ყველაფერი“,-განაცხადა გახარიამ.

დაწერე კომენტარი (0 კომენტარი)
პოლიტიკა

ghghghghghghმინდია დავითაძე ამ თანამდებობაზე პოლიტიკური ნიშნით დაინიშნა, რომელსაც არანაირი გამოცდილება არ აქვს ინტელექტუალური საკუთრების სამართლის დარგში. ჩვენ სამსახურში ის პირადად ნათია მეზვრიშვილის ხელდასმით დაინიშნა, - ამის შესახებ „ინტერპრესნიუსს“ „საქპატენტის“ სასაქონლო ნიშნების გეოგრაფიული აღნიშვნების და დიზაინების დეპარტამენტის უფროსმა ირაკლი კასრაძემ განუცხადა, რომელიც გამოეხმაურა „საქპატენტის“ ხელმძღვანელის მინდია დავითაძის თანამდებობიდან გათავისუფლების საკითხს.

ირაკლი კასრაძე „საქპატენტის“ უკვე ყოფილ ხელმძღვანელს მინდია დავითაძეს არაკომპეტენტურობაში ადანაშაულებს. ამასთან, აცხადებს, რომ დავითაძე „უაზრო ტენდერებს ატარებდა“, რომლის ღირებულებაც დაახლოებით 600 000 ლარამდე ადის.

„ნახევრად სამეცნიერო დაწესებულებაა „საქპატენტი“ და აღმოჩნდა პოლიციის თანამშრომელი, პატარა ბიჭი, რომელსაც საერთოდ არანაირი შეხება არ აქვს აქვს ინტელექტუალურ საკუთრებასთან. ამის შემდეგ მან დაიწყო თავისი წესრიგის დამყარება, მოიყვანა 30 ახლობელი და ნათესავი, დეპარტამენტები გაზარდა, ატარებდა უაზრო ტენდერებს. რაზე დაიწყო ეს ყველაფერი - დაიწყო თანამშრომლების უკანონოდ გაშვება, მათ შორის მეც მაძლევდა უკანონო დავალებას. მთხოვდა, რომ „მთავარი არხის“ ნიშანს პრობლემები შეუქმნიო. ამასთან დაკავშირებით მე გამოძიებასაც მივმართე, საქმე უკვე ერთი წელია პროკურატურაში და ორ სასამართლოშია. სახალხო დამცველმა და შრომის ინსპექციამაც დასკვნები დადეს. ამ უწყებების დასკვნები არის ამ პიროვნების საქმიანობის სრული ლუსტრაცია, სადაც შესაძლებელია ნახოთ, თუ რა დარღვევები აქვს და გადაცდომები. თუ მოხვალთ „საქპატენტში“ ნახავთ, რომ არაფრის გამო ჩაატარა რემონტი, რაც 400 000 ლარი დაჯდა, გაბერა საშტატო განრიგი“, - აცხადებს ირაკლი კასრაძე.

რაც შეეხება მინდია დავითაძის განცხადებას, რომის თანახმადაც ის მთავრობის ადმინისტაციის ხელმძღვანელთან შეხვედრას ითხოვდა, რაც ვერ მოხერხდა, ირაკლი კასრაძე განმარტავს, რომ მისთვის უცნობია, თუ რატომ ვერ შედგა შეხვედრა.

„რატომ ვერ მოხერხდა შეხვედრა ვერ გეტყვით, მაგრამ ეს პიროვნება, რომ არაკომპეტენტურია და სამსახური კრახის პირას მიიყვანა, თავისი არაკომპეტენტურობით და ნეპოტიზმით, სავარაუდოდ, ამის გამო მთავრობამ მიიღო ის გადაწყვეტილება, რომელიც უკვე კარგა ხნის წინ იყო მისაღები. ნათია მეზვრიშვილი ქადაგებს, რომ თურმე ებრძვიან, ასე არ არის. ეს პიროვნება (მინდია დავითაძე) რომ გამოდის და ამბობს, რომ ვითომ პოლიტიკური მიზნით დაიჩაგრა, სრული ტყუილი და ცილისწამებაა მთავრობის მიმართ“, - აცხადებს ირაკლი კასრაძე.

ცნობისთვის, „საქპატენტის“ თავმჯდომარემ, მინდია დავითაძემ განაცხადა, რომ ის პრემიერ-მინისტრმა ირაკლი ღარიბაშვილმა თანამდებობიდან პოლიტიკური ნიშნით გაათავისუფლა. მინდია დავითაძემ  მისი გათავისუფლების შესახებ მაშინ გაიგო როცა იგი გურიაში შეხვედრას ატარებდა.

დაწერე კომენტარი (0 კომენტარი)
მოიწონეთ გვერდი

Search