პარასკევი, ნოემბერი 27, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

ბლოგი

ბლოგი

 tamaz kharaishvili berlini1 მაისს, პარასკევს, აქ უქმობა იყო, მშრომელთა საერთაშორისო სოლიდარობის დღე (პარადი და დემონსტრაცია არ გამართულა, შინაურულად, უხმაუროდ ჩაიარა), შაბათს შაბათი იყო, კვირას - კვირა....ჰოდა სოლიდარობაზე გამახსენდა... კორონა რომ შემობრძანდა , აქ  "ბატონებო, მოუოხეთ" არ უმღერიათ და არც ბუქნაობა გაუმართავთ, გამოვიდა ქვეყნის მმართველი და განაცხადა, თავს გაუფრთხილდით, კაი დღე არ გველისო.... მერე გავრცელდა ინფორმაცია, კორონა, ძირითადად, ხანდაზმულებს ერჩის და მოერიდონო...ამას მოჰყვა შეზღუდვები, აკრძალვები, ოღონდ, ყველაფრის - არა... ახალგაზრდებმა ჩათვალეს, რომ ამა სოფლის სიამეებზე უარი რატომ უნდა ვთქვათ, მოხუცები ხომ არ ვართო და აიშვეს, ტარდებოდა ჯგუფური ღონისძიებები, გზებზე სუფრის გადაფენა, მინდორ-მინდორ ქეიფები, მუსიკალური გადახვევევები...მაგალითად, ერთ ღამეს გათენებამდე უბერავდა ჩვენს ქუჩაზე ბენდი როკს და იყო ერთი როკვა... სახელიც კი მოუძებნეს "კორონა ფართი"... მაშინ კი გამოუდგა პოლიცია მათ, ოღონდ, ისეთი ჯარიმები არ დაუკისრებიათ, საშვილიშვილოდ რომ ვერ გადაიხდიან, გააფრთხილეს.. მერე გამოვიდა ქვეყნის მმართველი (უკვე მსუბუქკორონაგადატანილი) და ყოველგვარი ცეკვა-თამაშის გარეშე განცხადება გააკეთა ოდნავ გამჯავრებულმა, .მთავრობის დაუყოვნებლივი სამოქმედო გეგმა წარმოადგინა კორონასაგან თავდაცვის პაკეტის სახით (1,1 ტრილიონი ევრო ეკონომიკური კრიზისისა და რისკების გასანეიტრალებლად, 150 მილიარდი ევრო _ჯანდაცვის სისტემისათვის, 100 მილიარდი _წვრილი ბიზნესის სესხების გასანულებლად, 400 მილიარდი კიდევ ეკონომიკის სტაბილიზაციის რაღაც პროგრამებისათვის, მსხვილი კომპანიების ვალების საბანკო გარანტიებისათვის და ა.შ.) ...ხალხისთვის არაფერი მიუცია, რადგან ადრე ჰქონდა მიცემული მაღალი პენსიები და სოციალური დახმარებები და არ ჩათვალა საჭიროდ....კიდევ ახალგაზრდებს გადაუკრა სიტყვა....ეს ყველაფერი იმიტომა გვაქვს, რომ წინა თაობამ იმუშავა კარგად და ახლა მათ ჯანმრთელობასა და სიცოცხლეს გრძელ გერმანულ ფეხებზე ნუ დაიკიდებთო...მეტი არ უთქვმა არაფერი, საკმარისი აღმოჩნდა, სოლიდარულები იყავითო და იმათაც, ვიქნებითო.. კორონამდელი ცხოვრებით კმაყოფილებმა, კარგ ჭამა-სმას მიჩვეულებმა ქვეყნის მთავარი ვირუსოლოგისაკენ გაიწიეს, თავის მოკვეთით დაემუქრნენ, რის სიფრთხილე, რა სიფრთხილე, კაი ცხოვრებას რატომ გვიზღუდავთო (არადა, ეს კაცი, დოქტორი დროსტენი ევროპის უდიდესი "შარიტეს" საუნივერსიტეტო კლინიკის ვირუსოლოგიის განყოფილების დირექტორია და იცის, რაღაც-რაღაცეები, სხვათა შორის ამ "შარიტეში" გადის მკურნალობის კურსებს საქართველოს კათოლიკოს- პატრიარქი)....დღეის მდგომარეობით, გერმანიაში თითქმის ყველაფერი ამოქმედდა, რაც კორონამდე მოქმედებდა... ცოტა სპორტი და ხელოვნება დარჩა განზე, სამაგიეროდ, .დარჩა დისტანცია, პირბადე და საპონ-წყალი... "სიკვდილამდე ვის მოუკლავს, თავი კაცსა მეცნიერსაო"----წაიკითხეს არტურ ლაისტის ნათარგმანებ პოემაში და არც დასახლებული პუნქტები დაუკეტავთ, არც საზ. და კერძო ტრანსპორტი შეუზღუდავთ, არც ბაზრობები (აგრარული) დაუხურავთ, არც ფეხით გადაადგილება შეუზღუდავთ, არც გლეხს მიაყუდებინეს თოხი კედელზე, არც მოხუცები დაუმწყვდევიათ სახლებში....ვნახოთ, ბოლოს ვისი აჯობებს, ექსპერტების, მოსაზრება-დაკვირვებით, ეს კორონა არსად წამსვლელი არ არის (ჯერ-ჯერობით მაინც) და სანამდე უნდა ვემალოთ, თან მაგი ჩვენს მაგივრად არც მიწას დაბარავს და არც ყანას გათოხნის, ვიცი მე ეს......

დაწერე კომენტარი (0 კომენტარი)
ბლოგი

ქართული ხალხური ზღაპრების პირველი ფრანგული თარგმანი და პირველები ფრანგული წიგნის ბაზრობაზე – გამომცემლობა “მედუზა” ქართველი და ფრანგი პუბლიკის წინაშე წარდგა და ოთხი კრებულის შექმნის იდეაზე ისაუბრა. პრეზენტაცია პარიზში, ქართულ რესტორან „კოლხეთში” გაიმართა. პრეზენტაციას საფრანგეთში დაბადებული და აღზრდილი ახალი თაობაც ესწრებოდა.  როგორც ორგანიზატორი და თავად თარგმანის და იდეის ავტორი მაია

დაწერე კომენტარი (0 კომენტარი)
ბლოგი

ხანდახან ტვ “კავკასიას” მივაპყრობ ხოლმე სმენას,  ყოფილი, სტუდენტობისდროინდელი, მეგობრის დათო აქუბარდიას და მისი სტუმრების  პოლიტიკური გულისფერთხვის გასაზიარებლად და მოსასმენად.. ამ ბოლო დროს, ბატონი დავითი ხშირად წუწუნებს სიგარეტის უმოწყალო გაძვირებასთან დაკავშირებით, ცხადია, მხოლოდ მოწევა არ აზიანებს მის ჯანმრთელობას, მავნე კვამლს  ფინანასური წერტილოვანი დარტყმებიც დაემატა. ერთხელ მოუწოდა კიდეც მწეველებს, სანამ ეს ოხერი მთავრობა  მთლიანად თუთუნის ქაჩვაზე გადაგვიყვანს და ცოცხლად დაგვმარხავს, შევიკრიბოთ, გავერთიანდეთ და

დაწერე კომენტარი (0 კომენტარი)
ბლოგი

რადგან დროებით გერმანიაში ვარ, „გურიაTV”-დან  მთხოვეს, აქაური და იქაური ცხოვრების მცირე შედარება გამეკეთებინა. ამის გაკეთება კი, თუნდაც ზედაპირულად, საკმაოდ რთულია, რადგან, ყველაფერი ცუდი აქაა ანუ საქართველოში, რაც ყველაფერი კარგია, იქაა –  გერმანიაში. ცხოვრების მხოლოდ ერთ ასპექტზე გავაკეთებ აქცენტს: ადამიანის ცხოვრების ელემენტარული  პირობები. გერმანიაში ყველა მუშაობს და, შესაბამისად, სოლიდურ ანაზღაურებასაც იღებს.  ვინც არ მუშაობს, მას სახელმწიფო ეხმარება. არც მეტი , არც ნაკლები – თვეში 800 ევროს ფარგლებში.  ეს კი აქაური ფასების პირობებში მცირე

დაწერე კომენტარი (0 კომენტარი)
ბლოგი

პატარაობისას-დიდობაზე მხოლოდ იმიტომ ვოცნებობდი,რომ დედაჩემის ფეხსაცმელებიდან ფეხები აღარ დამცურებოდა,მისი სამკაულები არ გამძვრომოდა.
ვეღარ ვიხსენებ ვერცერთ მომენტს, ბავშვობაში, ამ აბსურდულ ოცნებაში ერთი წამით მაინც მომდომებოდეს დაბრუნება.

დაწერე კომენტარი (0 კომენტარი)
ბლოგი

“სისულელის ქებაში” ერაზმუს როტერდამელი ასეთ რამეს წერს: “რაც უფრო ფართოდაა  გავრცელებული ესა თუ ის მოვლენა, მით უფრო დასაფასებელიაო.” აქედან გამომდინარე, ჩვენს ცხოვრებას რომ დავაკვირდი, ჩვენგან დიდი პატივგება და დაფასება უკუთვნის სიძულვილს, რამეთუ ეს ისეთი მოვლენაა, წელიწადის ყველა დროს  განსაკუთრებულად რომ ყვავის საქართველოში. ჩართეთ ტელევიზია და წამოვა სიძულვილის ნიაღვარი, ლანძღვა-გინება, წყლის შესხმა, დედ-მამის
დაწერე კომენტარი (0 კომენტარი)
ბლოგი

დღეს, 6 მაისს საფეხბურთო სამყაროში ერთ-ერთი ყველაზე აზარტული დაპირისპირება შედგება. ‘’ნოუ კამპზე’’ ერთმანეთს ის ორი გუნდი ხვდება, რომელთა გამოც ხშირად მთელი მსოფლიოს გულშემატკივრები ორად იყოფიან.

‘’ბარსელონა’’- ‘’რეალი’’ – მორიგი საფეხბურთო დღესასწაული. გარდა იმისა, რომ ‘’ელ კლასიკო’’ ‘’ელ კლასიკოა’’ და მორჩა, დღევანდელი მატჩი კიდევ რამდენიმე, ძალიან მნიშვნელოვანი ფაქტორით არის საინტერესო:

დაწერე კომენტარი (0 კომენტარი)
ბლოგი

“ხრიკია მხოლოდ პოლიტიკური ძმობა, ერთობა და სიყვარული” _ ესეც მე არ მითქვამს, აკაკიმ თქვა, წერეთელმა,  ათეული წლების წინ, სავარაუდოდ, საქართველოს პოლიტიკურ ცხოვრებაზე დაკვირვების შემდგომ. ახლა რომ ცოცხალი იყოს და სხვიტორის სახლის “ბალკონზე” იჯდეს. ისევ იმასვე იტყოდა, დარწმუნებული ვარ.  საქართველოში პოლიტიკური ერთობის ქვაკუთხედი პოლიტმრწამსი კი არ  არის, არამედ მარად ქართული დილემა: “ამ საქმიდან რა

დაწერე კომენტარი (0 კომენტარი)
ბლოგი

მთლად დარწმუნებული არ ვარ, მაგრამ  ჭეშმარიტებასაც დიდად არ დავშორდები, თუ ვიტყვი, რომ  საქართველოში ყოველი მეორე ადამიანი მზად არის საპრეზიდენტო  არჩევნებში,  როგორც კანდიდატმა , უყოყმანოდ მიიღოს მონაწილეობა   და სახეზე  სიწითლემაც კი არ გადაკრას.  პირიქით, იმასაც კი იტყვის, ეს აქამდე   როგორ ვერ მოვიფიქრეო. მოკლედ, საქართველოში, ყველანაირ არჩევნებში მოქმედებს ოლიმპიური თამაშების უზენაესი  პრინციპი;

დაწერე კომენტარი (0 კომენტარი)
ბლოგი

BBC-ის ცნობით,  საბედნიეროდ, ჩინური კოსმოსური  ლაბორატორიის “ტიანგონგ-1”-ის  ნარჩენები, რომელიც აპრილის პირველ რიცხვებში საქართველოს უნდა დასცემოდა, ატმოსფერულ ზონაში შემოსვლისთანავე  დაიწვა. დიახ, იმ სავარაუდო  სივრცეში, სადაც “ტიანგონგ-1” უნდა დავარდილიყო, საქართველოც მოიაზრებოდა.  ერთი  ჩემი სოფლელი (შალიკო ხვინგიაძეზე ნაკლები ფანტაზია არ ჰქონდა)   რომ  შეთვრებოდა, ამტკიცებდა, ახალგაზრდობაში უკრაინის თავზე ვიყავით, პილოტმა რომ გამოაცხადა, თვითმფრინავს ცეცხლი გაუჩნდა და ვისაც როგორ შეგიძლიათ, ისე უსაშველეთ თავსო. პარაშუტი მე არ მქონდა და გასაბერი ნიფხავი, ვიშვირე ფეხი  და გადმოვხტიო. გამიმართლა და  უზარმაზარ თივის ზვინზე დავეცი შუაგულ უკრაინაში  და გადავრჩიო. იმდენი  ზომიერების გრძნობა კი ჰქონდა, არ დაემატებინა, იმ ზვინში უკრაინელი ქერა ლამაზმანი დამხვდა ტრადიციული უკრაინული “ხლებ-სოლით” და “პერცოვკითო”. ბიჯოს, ამხელა დედამიწაზე  ან  ამ უსასრულო სამყაროში  ერცახე საქართველო რაფერ ამოარჩია ჩინურმა კოსმოსურმა ლაბორატორიამ თავის მოსაკლავად, თუმცა, როგორც ამბობენ, იგი მწყობრიდან იყო გამოსული (რომ არ ვარგოდა, იმიტომ მოდიოდა ჩვენსკენ, აბა კაი რომ ყოფილიყო, ამერიკაში ჩამოვარდებოდა). მოკლედ, საითაც გაიხედავ, საფრთხეა. რომც არ იყოს, სადმე კატასტროფა თუა მოსალოდნელი, ჩვენ მიგვაწებებენ. მარტო ქართული ტელევიზიების საინფორმაციო ნიუსები არ  ეყოფა ადამიანს საჟრიალოდ, ჩინელების გაფუჭებული ლაბორატორია გვაკლდა კიდევ?! თავად  ჩინელები ხომ არ გვაკლია და ახლა კინაღამ მათი კოსმოსური სადგური დაგვეცა თავზე….
 ამ ამბავმა ერთი კომუნისტური წეს-წყობილების დროინდელი ანეკდოტი გამახსენა: ერთ სოფელში სამოქალაქო თავდაცვის  შტაბის წარმომადგენელი შეკრებილ მოსახლეობას მარტივი ენით უხსნიდა ნეიტრონული, თუ რომელიღაც  ბომბის  მოქმედების ხასიათს, ნეიტრონული ბომბი რომ გავარდება, ადამიანს არ ერჩის,  ხორცს, ყველს, კარაქს და ა, შ. გააქრობს მაცივრიდანო.  ერთ  გლეხს უკითხავს, აწი რომ გავარდება კი გავიგეთ რაც არის, მარა ახლა რომაა გავარდილი, იმას რა ქვიაო. ჰოდა, იმის  თქმა მინდოდა, რომ…… თუმცა  რად უნდა თქმა , ისეც ყველა მიხვდება….
პ.ს. ორი დღის წინ საქართველოს პარლამენტის ბუნების დაცვის კომიტეტის სხდომაზე, მწვანე გაჩეჩილაძემ  ყვითელ ვაშაძეს კეთილები აგინა (ეს კონსტიტუციით დაშვებულია,  თუ უმრავლესობა აგინებს უმცირესობას, ხოლო პირიქით არ შეიძლება), ასე რომ არც არაფერს ვიგონებ, რაც ხდება, ის ხდება…..

დაწერე კომენტარი (0 კომენტარი)
მოიწონეთ გვერდი

Search